25 March, 2019 12:08 PM IST |
ફાતીમા સના શેખ (ફાઈલ ફોટો)
ફાતિમા સના શેખનું કહેવું છે કે લોકો તેને એમ કહેતા હતા કે તું હિરોઇન જેવી નથી દેખાતી માટે તેને જે પણ રોલ મળે એ કરવા જોઈએ. ‘દંગલ’થી બૉલીવુડમાં પદાર્પણ કરનાર ફાતિમાએ ‘ચાચી ૪૨૦’માં એક બાળ કલાકારની ભૂમિકા ભજવી હતી. આ વિશે ફાતિમાએ કહ્યું હતું કે ‘એક બાળ કલાકાર તરીકે કામ છોડ્યાં બાદ મેં જ્યારે કમબૅક કર્યું તો કામ મળવું મારા માટે ખૂબ મુશ્કેલ હતું. મને કોઈ કામ આપતું ન હતું. લોકો મને એમ પણ કહેતા હતા કે તું દીપિકા પાદુકોણ અને કૅટરિના કૈફ જેવી નથી દેખાતી. હું હિરોઇન જેવી નથી દેખાતી માટે મને જે પણ ઑફર મળે એ સ્વીકારવી જોઈએ. એવા તો અનેક કિસ્સાઓ બન્યા હતા જ્યારે મને એમ કહેવામાં આવતું હતું કે હું સારી નથી દેખાતી. મારામાં માત્ર ઍક્ટિંગ કરવાની લગન હતી. આ જ કારણસર હું સેટ-અપ નાનો હોય તો પણ દરેક ઑડિશનમાં જતી હતી જેથી કરીને મને કૅમેરા સામે પર્ફોર્મ કરવાની તક મળે.’
આ પણ વાંચોઃ કુછ તો લોગ કહેંગે : ફાતિમા સના શેખ