‘ફાધર’ પિતા-પુત્રીના સુંદર સંબંધોને દેખાડતી સ્ટોરી છે : પંકજ ત્રિપાઠી

ફિલ્મને અનિરુદ્ધ રૉય ચૌધરીએ ડિરેક્ટ કરી છે.

પંકજ ત્રિપાઠી

પંકજ ત્રિપાઠીએ તેની આગામી ફિલ્મ ‘ફાધર’નું શૂટિંગ પૂરું કર્યા બાદ જણાવ્યું કે એની સ્ટોરી પિતા અને તેની દીકરીના સંબંધોને દેખાડતી સુંદર સ્ટોરી છે. આ ફિલ્મમાં તેની દીકરીના રોલમાં સંજના સંઘી જોવા મળશે. ફિલ્મને અનિરુદ્ધ રૉય ચૌધરીએ ડિરેક્ટ કરી છે. આ ઇન્વેસ્ટિગેટિવ ડ્રામાનું શૂટિંગ કલકત્તામાં કરવામાં આવ્યું છે. ફિલ્મને લઈને પંકજ ત્રિપાઠીએ કહ્યું કે ‘આ ફિલ્મનું શૂટિંગ કરવાની ખૂબ મજા પડી હતી. પિતા અને પુત્રીના સંબંધોને દેખાડતી આ સુંદર સ્ટોરી છે. તેમની વચ્ચેનું બૉન્ડિંગ અને એકબીજાને કેવી રીતે સથવારો આપે છે એ દેખાડવામાં આવશે. આ રિલેશનશિપ ડ્રામાની સાથે જ થ્રિલર પણ છે. ફિલ્મમાં અતિશય ટૅલન્ટેડ ઍક્ટર્સ છે અને ડિરેક્ટરનું પણ વિઝન સ્પષ્ટ છે. ફિલ્મનું શૂટિંગ કલકત્તામાં કરવામાં આવ્યું છે અને એ શહેરની સંસ્કૃતિ પણ જાજરમાન છે. મારા માટે આ અદ્ભુત અનુભવ રહ્યો છે.’