અમિતાભ બચ્ચનને હાથમાં શું થયું છે?

હાથને પૂરતો આરામ મળે અને એ સારી રીતે મૂવમેન્ટ કરી શકે એ માટે આવો રિસ્ટ-સપોર્ટ પહેરવામાં આવે છે.

અમિતાભ બચ્ચન

અમિતાભ બચ્ચન નિયમિત રીતે બ્લૉગ લખીને પોતાના ચાહકોના સંપર્કમાં રહે છે. હાલમાં તેમણે પોતાના બ્લૉગમાં પોતાની એક તસવીર પોસ્ટ કરી છે. આ તસવીર જોઈને અમિતાભના ચાહકો ચિંતામાં મુકાઈ ગયા છે. આ તસવીરમાં અમિતાભે તેમનાં બન્ને કાંડાં પર રિસ્ટ-સપોર્ટ કે બ્રેસ પહેરેલાં છે. હકીકતમાં આ બ્રેસ કોઈ મેડિકલ કન્ડિશન, ઈજા કે ઉંમરસંબંધિત સમસ્યા અને નબળાઈને કારણે જ્યારે સપોર્ટની જરૂર પડે છે ત્યારે પહેરવામાં આવે છે. હાથને પૂરતો આરામ મળે અને એ સારી રીતે મૂવમેન્ટ કરી શકે એ માટે આવો રિસ્ટ-સપોર્ટ પહેરવામાં આવે છે. અમિતાભ માટે આ રિસ્ટ-સપોર્ટ ખરેખર જ બહુ જરૂરી હશે, કારણ કે એ પહેરવા માટે તેઓ જે અલગ-અલગ રત્નોની વીંટી કે પછી એક કરતાં વધારે ઘડિયાળ પહેરે છે એ પણ ઉતારી નાખ્યાં છે.