23 June, 2026 12:26 PM IST | Mumbai | Gujarati Mid-day Correspondent
રણબીર કપૂર
રણબીર કપૂરે ફરી એક વાર સાબિત કરી દીધું છે કે તે પોતાની પત્ની આલિયા ભટ્ટનો સૌથી મોટો સપોર્ટર છે. આલિયાની ફિલ્મ ‘આલ્ફા’ ૩ જુલાઈએ રિલીઝ થવાની છે ત્યારે રણબીર જાહેરમાં એક ખાસ ટી-શર્ટ પહેરીને જોવા મળ્યો. રણબીરના આ ટી-શર્ટ પર ‘માય વાઇફ ઇઝ ઍન આલ્ફા’ લખેલું જે આલિયાની આગામી ફિલ્મને પ્રમોટ કરે છે. રણબીરની આ સ્ટાઇલ ફૅન્સને બહુ પસંદ પડી રહી છે.
ક્રિતી સૅનનની ફિલ્મ ‘કૉકટેલ 2’ને પ્રમાણમાં સારો પ્રતિભાવ મળ્યો છે અને એ સારી એવી કમાણી કરી રહી છે. બૉક્સ-ઑફિસના આંકડા પ્રમાણે ફિલ્મે પહેલા વીકએન્ડમાં કુલ ૫૦.૧૦ કરોડ રૂપિયાની કમાણી કરી છે. ફિલ્મના આ દેખાવથી એના કલાકારો ખુશ છે અને ક્રિતી રવિવારે ફૅન્સ સાથે આ ફિલ્મની મજા માણવા પોતાના પરિવાર સાથે જુહુ સ્થિત પીવીઆર સિનેમા પહોંચી હતી. ક્રિતીએ અહીં ફૅન્સ સાથે સારોએવો સમય પસાર કર્યો હતો અને તસવીરો પણ ક્લિક કરાવી હતી.
