બુરખો પહેરી બુલેટ ચલાવી દિયા મિર્ઝાએ

આ ​ફિલ્મમાં તેની સાથે તાપસી પન્નુ, ફાતિમા સના શેખ, રત્ના પાઠક શાહ અને સંજના સાંઘી જોવા મળશે

દિયા મિર્ઝા

દિયા મિર્ઝાએ લદાખમાં ‘ધક ધક’નું શૂટિંગ કર્યું હતું. એ સમયે તેણે વાઇલ્ડ લાઇફની પણ મજા માણી હતી. ‘ધક ધક’માં તે બુરખો પહેરીને બુલેટ ચલાવતી જોવા મળી રહી છે. આ ​ફિલ્મમાં તેની સાથે તાપસી પન્નુ, ફાતિમા સના શેખ, રત્ના પાઠક શાહ અને સંજના સાંઘી જોવા મળશે. આ ફિલ્મના શૂટિંગ દરમ્યાન તેને હિમાલયન મર્મોટ જોવા મળ્યું હતું. હિમાલયન મર્મોટને ટેબિટિયન સ્નો પિગ તરીકે પણ ઓળખવામાં આવે છે. આ પ્રાણીના ફોટો શૅર કરીને દિયાએ ટ્વીટ કર્યું હતું, ‘લદાખમાં અમે જ્યારે ‘ધક ધક’નું શૂટિંગ કરી રહ્યાં હતાં ત્યારે સૌથી સુંદર સાઇટ સીઇંગ હિમાલયન મર્મોટ હતું. અમે ૧૦ મિનિટ સુધી એને જોયા કર્યું હતું.’