09 January, 2020 06:18 PM IST | Mumbai Desk
સાજિદે જે વીડિયો શૅર કર્યો છે તેમાં દિશા પટણી વેનિટી વેનમાં દેખાય છે અને ફેન્સને કહે છે કે-Hi Guys, its time for Baaghi 3.
બોલીવુડ એક્ટ્રેસ દિશા પટણી નવા વર્ષની શરૂઆત કેટલાય નવા પ્રૉજેક્ટ્સ સાથે કરશે. આ માટે તેણે તૈયારીઓ પણ શરૂ કરી દીધી છે. હાલ તે ફિલ્મ બાગીના ત્રીજા પાર્ટની તૈયારી કરી રહી છે. આ સતત બીજીવાર છે જ્યારે તે બાગીમાં કામ કરી રહી છે.
બાગી 2માં દિશા પોતાના બૉયફ્રેન્ડ ટાઇગર શ્રૉફ સાથે જોવા મળી હતી. હવે તે આના ત્રીજા પાર્ટમાં પણ ટાઇગર શ્રૉફ સાથે દેખાશે. ફિલ્મના પ્રૉડ્યૂસર સાજિદ નડિયાદવાળાએ પોતાના ટ્વિટર પર એક વીડિયો શૅર કર્યો છે. આ વીડિયો બાગી 3ના સેટનો છે. સાજિદે વીડિયો શૅર કરતાં લખ્યું, "Time for a small sneak-peak from the sets of #Baaghi3 Looks like the Baaghi fever just got higher!"
સાજિદે જે વીડિયો શૅર કર્યો છે તેમાં દિશા વેનિટી વેનમાં દેખાઇ રહી છે અને ફેન્સને કહી રહી છે-"Hi Guys, it’s time for Baaghi 3." દિશા વીડિયોમાં ખૂબ જ સુંદર દેખાઇ રહી છે અને તેના કર્લી હૅર પણ ખૂબ જ સરસ લાગે છે.
આ પણ વાંચો : આ તસવીરોથી સોશિયલ મીડિયા પર ધૂમ મચાવી રહી છે આ ગુજરાતી અભિનેત્રી
બાગી 3 અહમદ ખાન બનાવી રહ્યા છે અને આમાં રિતેશ દેશમુખ, અંકિતા લોખંડે, આશુતોષ રાણા અને સતીશ કૌશિક દેખાઇ રહ્યા છે. બાગી 3 સિવાય દિશા પટણી બોલીવુડ એક્ટર અનિલ કપૂર સાથે ફિલ્મ મલંગમાં દેખાશે. મલંગમાં આદિત્ય રૉય કપૂર અને કુણાલ ખેમૂ પણ દેખાશે. મલંગ ફેબ્રુઆરી 2020માં રિલીઝ થશે.