22 June, 2019 04:43 PM IST |
દિશા પટાણી
બોલીવુડ અભિનેત્રી દિશા પટાણી 'ભારત'ની સફળતા બાદ હવે પોતાની આગામી ફિલ્મ 'મલંગ'ની શૂટિંગમાં વ્યસ્ત છે.
બોલીવુડ અભિનેત્રી દિશા પટાણી ફિલ્મ ભારતની સફળતા બાદ હવે પોતાની આગામી ફિલ્મ મલંગની શૂટિંગમાં વ્યસ્ત છે. આ ફિલ્મમાં દિશા, આદિત્ય રૉય કપૂર સાથે રોમાન્સ કરતી જોવા મળશે. પણ ફિલ્મ સાથે જોડાયેલ એક વીડિયો સામે આવ્યો છે જેમાં દિશા ઇન્જેક્શન લગાવડાવતી દેખાય છે.
ફિલ્મના સીનના શૂટિંગ દરમિયાન થઈ ઇજા
મળતી માહિતી પ્રમાણે દિશાને ફિલ્મના સીનના શૂટિંગ દરમિયાન ઇજા થઈ છે. જોકે ઇજા થયા બાદ તેને તરત જ મેડિકલ ટ્રીટમેન્ટ આપવામાં આવી. એક વેબસાઇટ સાથે વાત કરતાં ફિલ્મના એક વ્યક્તિએ જણાવ્યું કે દિશાને મલંગના એક સીનના શૂટિંગ દરમિયાન ઇજા થઈ છે. પણ અભિનેત્રીને તરત જ મેડિકલ ટ્રીટમેન્ટ આપવામાં આવી જેના પછી તે હવે તે સ્વસ્થ અનુભવે છે. તે ટૂંક સમયમાં જ સેટ પર પાછી આવશે.
ભારતના શૂટિંગ દરમિયાન પણ ઘૂંટણમાં થઈ હતી ઇજા
આ પહેલા દિશાને ભારતના શૂટિંગ દરમિયાન ઘૂંટણમાં ઇજા થઈ હતી. ભારતમાં એક સ્ટન્ટ સીન શૂટિંગ કરતી વખતે ઇજા થઈ હતી જે હજી સુધી સંપૂર્ણપણે બરાબર થઈ નથી. એક વેબસાઇટને આપેલા ઇન્ટરવ્યૂમાં દિશાએ જણાવ્યું હતું કે ભારતમાં તેણે અત્યાર સુધીનું સૌથી મુશ્કેલ કામ કર્યું હતું. દરમિયાન તેના ઘૂંટણમાં પણ ઇજા થઈ હતી જે હજી સુધી બરાબર થઈ નથી. એવામાં તેને બીજી ઇજા થઈ છે.
આ પણ વાંચો : 200 કરોડના લગ્નમાં કેટરીનાએ કર્યો ધમાકેદાર ડાન્સ, જુઓ વીડિયો
ઉલ્લેખનીય છે કે ફિલ્મ ભારત વિશે વાત કરતાં તેણે એક ઇન્ટરવ્યૂમાં જણાવ્યું હતું કે તેને કેટરીના સાથે ફિલ્મમાં એક પણ સીન શૂટ કરવા ન મળ્યો હોવાથી તેને તે વાતનું દુઃખ લાગ્યું છે એટલું જ નહીં તેણે આ પણ ખુલાસો કર્યો કે તે કેટરીના કૈફની મોટી ચાહક પણ છે.