14 August, 2025 07:05 AM IST | Mumbai | Gujarati Mid-day Correspondent
સની દેઓલ અને અમીષા પટેલની ફિલ્મ ‘ગદર 2’
સની દેઓલ અને અમીષા પટેલની ફિલ્મ ‘ગદર 2’ ૨૦૨૩માં રિલીઝ થઈ હતી અને બૉક્સ-ઑફિસ પર બ્લૉકબસ્ટર સાબિત થઈ હતી. માત્ર ૬૦ કરોડ રૂપિયાના ખર્ચે બનેલી ‘ગદર 2’એ વિશ્વભરમાં ૬૯૧ કરોડ રૂપિયાનો શાનદાર બિઝનેસ કર્યો હતો. હવે આ ફિલ્મની રિલીઝને બે વર્ષ પૂર્ણ થયાં છે. ડિરેક્ટર અનિલ શર્માએ ‘ગદર 2’ની બીજી ઍનિવર્સરી નિમિત્તે ખાસ ઇન્ટરવ્યુ આપ્યો છે અને આ ઇન્ટરવ્યુમાં તેમણે કહ્યું છે કે ‘‘ગદર’ ખૂબ મોટી હિટ હતી, પરંતુ ‘ગદર 2’ પહેલા દિવસથી જ મોટી સફળતા હાંસલ કરવામાં સફળ રહી. અમે હવે ચોક્કસપણે ‘ગદર 3’ બનાવી રહ્યા છીએ. વાર્તા આગળ પણ ચાલુ રહેશે. ‘ગદર’ અને ‘ગદર 2’ બન્નેની સફળતાથી ખબર પડે છે કે આ વાર્તા અને પાત્રો લોકોનાં દિલોમાં ખાસ સ્થાન ધરાવે છે અને આ વાર્તા ત્રીજા ભાગમાં પણ લોકોને ગમશે.’