04 March, 2020 07:30 PM IST | મુંબઈ
બોલીવુડની એક્ટ્રેસ દીપિકા પાદુકોણે ભલે બોલીવુડની ટોચની અભિનેત્રી હોય. ભલે દીપિકા પાદુકોણેના કરોડોની સંખ્યામાં ફેન્સ હોય, ભલે દીપિકાની સુંદરતાના કરોડો લોકો ચાહક હોય પરંતુ દીપિકા પાદુકોણેને તેના જ નામની એક યુવતી ટક્કર આપી રહી છે. કહોને કે દીપિકા પાદુકોણેને અન્ય એક દીપિકાએ જ પાછળ છોડી દીધી છે. જી હાં, વાત કંઈક એવી છે કે દીપિકા પાદુકોણે કરતા Deepika Ghose ગુગલમાં વધુ સર્ચ થઈ રહી છે.
દીપિકા ઘોષ તમને પણ યાદ જ હશે. શનિવારે રોયલ ચેલેન્જર્સ બેંગ્લોર અને સનરાઈઝર્સ હૈદરાબાદ વચ્ચેની મેચમાં દરેક વ્યક્તિની નજર આ જ યુવતી પર અટકી હતી. આ રસાકસી ભરેલી મેચ વિશે અને ખેલાડીઓ વિશે જેટલી ચર્ચા નથી થઈ તેટલી ચર્ચા આ યુવતીની થઈ હતી. આ જ યુવતી એટલે રોયલ ચેલેન્જર્સ બેંગ્લોરની ફિમેલ ફેન Deepika Ghose.
લાલ કલરનું ટોપ અને જીન્સ પહેરીને આવેલી આ ફૅને કેમેરામેનનું ધ્યાન પોતાની તરફ ખેંચ્યું. જેવી દીપિકા ઘોષ સ્ક્રીન પર આવી કે મેચ પૂરી થાય ત્યાં સુધીમાં તો તેના ફોટોઝ અને વીડિયોઝ સોશિયલ મીડિયા પર ધડાધઢ વાઈરલ થઈ ગયા. વાઈરલ વીડિયોઝમાં આ યુવતી હાથમાં RCBનો ફ્લેગ પકડીને મસ્તીભર્યા અંદાજમાં કોહલીની ટીમને સપોર્ટ કરતી દેખાઈ રહી છે. જ્યારે આ યુવતી વિશે સર્ચ થયું તો સામે આવ્યું કે તેનું નામ બોલીવુડની ટોચની એક્ટ્રેસ દીપિકા પાદુકોણના નામ પર જ છે.
આ પણ વાંચોઃ બોલીવુડથી લઈને હોલીવુડના સિતારાઓ ઉતર્યા મેટ ગાલાના પિંક કાર્પેટ પર, જુઓ તસવીરો
જોતજોતામાં દીપિકા એટલી વાઈરલ થઈ ગઈ કે થોડાક સમય માટે તેણે ગુગલ સર્ચમાં દીપિકા પાદુકોણેને પાછળ છોડી દીધી. લોકો દીપિકા ઘોષ વિશે જાણવા માટે ઉત્સાહિત થઈ ગયા. લોકોએ Deepika Ghoseનું નામ ગૂગલ પર એટલું સર્ચ કર્યું કે ગૂગલ સર્ચિંગમાં દીપિકા પાદુકોણે કરતા દીપિકા ઘોષનું નામ આગળ આવી ગયું. લોકો જ્યારે ગૂગલ પર દીપિકા સર્ચ કરી રહ્યા હતા ત્યારે સજેશનમાં દીપિકા પાદુકોણેના બદલે દીપિકા ઘોષનું નામ આવતું હતું.