01 April, 2020 12:10 PM IST | Mumbai Desk | Gujarati Mid-day Online Correspondent
કોરોનાવાયરસને લઈને દેશના દરેક લોકો ઘરમાં કેદ છે, જેમાં બોલીવુડ સેલેબ્સ પણ સામેલ છે. સેલેબ્સ પોતાનો સમયપસાર કરવા માટે જુદી જુદી રીતો અપનાવે છે. આ દરમિયાન, દીપિકા પાદુકોણે પોતાના ઘરમાં જ એક સીરીઝ શરૂ કરી છે અને તેના એપિસોડ પણ રિલીઝ કરવામાં આવી રહ્યા છે. ખરેખર, દીપિકાએ પોતાના ઘરે જ આ સીરિઝ 'પ્રૉડક્ટિવિટી ઇન ધ ટાઇમ ઑફ કોવિડ-19' શરૂ કરી છે, જેમાં તે પોતાના ઘરે જ કામ કરી રહી છે.
સાથે જ, તે પોતાના ઘરે કરવાના કામની તસવીરો એપિસોડરૂપે શૅર કરી રહી છે. આમાં તે કુકિંગ, ક્લીનિંગ વગેરે કામ એપિસોડ તરીકે બતાવે છે. અત્યાર સુધી તેના 6 એપિસોડ આવી ચૂક્યા છે. તો જુઓ તેણે 6 એપિસોડમાં શું શૅર કર્યું છે.
એપિસોડ નંબર 1
પહેલા એપિસોડમાં દીપિકા પાદુકોણે પોતાના વૉર્ડરૉબની એક તસવીર શૅર કરી હતી અને જણાવ્યું કે તેણે ઘરે બેસીને આની સાફસફાઇ કરી છે.
એપિસોડ નંબર 2
બીજા એપિસોડમાં દીપિકાએ સેલ્ફ કૅરની વાત કરી છે અને પોતાની તસવીર શૅર કરી છે.
એપિસોડ નંબર 3
ત્રીજા એપિસોડમાં દીપિકા પાદુકોણ હેલ્થની વાત કરે છે. સાથે જ તેણે ફ્રુટ જ્યૂસ પીતાં પીતાં એક તસવીર પણ શૅર કરી છે, આનો અર્થ તેણે ઘરે પોતાની માટે ફ્રુટ જ્યૂસ બનાવ્યું છે અને ઘરે હેલ્થનું પણ ધ્યાન રાખે છે.
એપિસોડ નંબર-4
ચોથા એપિસોડમાં દીપિકા પાદુકોણનું કામ એક્સરસાઇઝ કરવાનું છે. તેણે ટ્રેડ મિલ પર દોડતાં પોતાનો વીડિયો શૅર કર્યો છે. સાથે જ જિમ આઉટફિટમાં પોતાની તસવીર શૅર કરી છે. એટલે કે દીપિકા ઘરે વર્કઆઉટ પર પણ ખાસ ધ્યાન આપી રહી છે. સાથે જ તેણે એપિસોડ 4માં જ એક ડેઝર્ટ બનાવવાની તસવીર પણ શૅર કરી છે.
એપિસોડ નંબર 5
5મા એપિસોડમાં દીપિકા જણાવે છે કે તે કેન્સલ કરવામાં આવ્યો છે. દીપિકાએ જણાવ્યું કે તે વાસણ ધોતાં વીડિયો શૅર કરવા માગતી હતી પણ, તેના પહેલા કેટરીના કૅફએ વીડિયો શૅર કરી દીધો. એવામાં તેણે કેટરીના કૅફનો જ વાસણ ધોતાં વીડિયો શૅર કરી દીધો.
એપિસોડ નંબર 6
એપિસોડ 6માં દીપિકા પાદુકોણે જણાવ્યું કે તે કિચનનું પણ ખાસ ધ્યાન રાખે છે. સાથે જ તેણે સામાનના સ્ટિકર્સની તસવીર શૅર કરી છે, એટલે કે દીપિકા પાદુકોણ હવે કિચનમાં સામાનના ડબ્બા પર સ્ટિકર લગાડવાની છે.