22 June, 2020 07:51 PM IST | Mumbai | Gujarati Mid-day Correspondent
ચંદ્રચુડ સિંહને ‘કુછ કુછ હોતા હૈ’માં સલમાન ખાનવાળો રોલ ઑફર કરવામાં આવ્યો હતો. જોકે એને ઠુકરાવવાનો આજે પણ ચંદ્રચુડને અફસોસ છે. 1998માં રિલીઝ થયેલી આ ફિલ્મને કરણ જોહરે ડિરેક્ટ કરી હતી. આ ફિલ્મ આજે પણ લોકોને ખૂબ પસંદ છે. એ ફિલ્મ ન કરવાનો આજે પણ પછતાવો વ્યક્ત કરતાં ચંદ્રચુડે કહ્યું હતું કે ‘હું એટલું જ કહી શકું છું કે એ મારા માટે ખૂબ મોટુ નુકસાન છે. એ ખરેખર ખૂબ જ સરસ અને કલ્ટ ફિલ્મ છે. વાસ્તવિક્તા તો એ છે કે જે થવાનું હોય છે એ થઈને જ રહે છે. મારા માટે આ એક એવો નિર્ણય હતો જેનાં દ્વારા મને ઘણું બધુ શીખવા મળ્યુ છે.’