16 March, 2020 03:36 PM IST | Mumbai | Mumbai Correspondent
મ્યુઝિક વિડિયોમાં દર્શન રાવલે અવાજ આપ્યો છે
‘બિગ બૉસ 13’માં જોવા મળેલાં સિદ્ધાર્થ શુક્લા અને શહેનાઝ ગિલ હવે ટૂંક સમયમાં જ એક મ્યુઝિક વિડિયોમાં જોવા મળવાનાં છે. સિદ્ધાર્થ ‘બિગ બૉસ 13’નો વિજેતા રહ્યો હતો. બન્નેના ફૅન્સને તેમની જોડી ખૂબ પસંદ પડી હતી. એને જોતાં તેમની જોડીને સિડનાઝ નામ પણ આપવામાં આવ્યું હતું. તેમના ફૅન્સ આ બન્નેને રોમૅન્સ કરતા જોઈને ખુશ થાય એ તો સ્વાભાવિક છે. આ વિડિયોને કૌશલ જોશીએ પ્રોડ્યુસ કર્યો છે. તો દર્શન રાવલે અવાજ આપ્યો છે. આ મ્યુઝિક વિડિયોનાં શૂટિંગનો ફોટો હાલમાં વાઇરલ થયો છે. ફોટોમાં બન્ને વરસાદમાં ભીંજાઈ રહ્યાં છે. દર્શન રાવલ અને સિદ્ધાર્થ સાથેનો ફોટો ઇન્સ્ટાગ્રામ પર શૅર કરીને શહેનાઝે કૅપ્શન આપી હતી કે આ સુંદર લોકો સાથે માત્ર તમારા માટે અમે એક સુંદર ગીત લઈને આવી રહ્યાં છીએ.