22 September, 2022 12:32 PM IST | Mumbai | Gujarati Mid-day Correspondent
અજય દેવગનની ‘થૅન્ક ગૉડ
અજય દેવગન અને સિદ્ધાર્થ મલ્હોત્રાની ‘થૅન્ક ગૉડ’ને બૅન કરવાની ડિમાન્ડ થઈ રહી છે. ભારતીય જનતા પાર્ટીના લીડર મધ્ય પ્રદેશના એજ્યુકેશન મિનિસ્ટર વિશ્વાસ સારંગે આ ફિલ્મને બૅન કરવાની ડિમાન્ડ કરી છે. આ ફિલ્મમાં હિન્દુ ભગવાન વિષ્ણુની મજાક ઉડાડવામાં આવી હોવાથી એને બૅન કરવાની ડિમાન્ડ છે. વિશ્વાસ સારંગે યુનિયન મિનિસ્ટર ઑફ ઇન્ફર્મેશન અને બ્રૉડકાસ્ટિંગ અનુરાગ ઠાકુરને લેટર લખીને વિનંતી કરી છે. બૉલીવુડની ફિલ્મો અને ઓટીટી પર હંમેશાં ઍન્ટિ-હિન્દુ માનસિક્તા જોવા મળી રહી છે અને એથી જ એને અટકાવવી જરૂરી છે એવી તેમની ડિમાન્ડ છે. ચિત્રગુપ્ત અને યમરાજની મજાક ઉડાડવામાં આવી હોવાનું કહીને એક અઠવાડિયા પહેલાં હિન્દુ જનજાગૃતિ સમિતિએ પણ ફિલ્મની ડિમાન્ડ કરી હતી. આ ફિલ્મને ઇન્દ્ર કુમાર દ્વારા ડિરેક્ટ અને ભૂષણ કુમાર અને આનંદ પંડિત દ્વારા પ્રોડ્યુસ કરવામાં આવી છે. આ ફિલ્મને દિવાળી પર એટલે કે ૨૫ ઑક્ટોબરે રિલીઝ કરવામાં આવશે.