15 May, 2020 06:48 PM IST | Mumbai | Gujarati Mid-day Correspondent
અનુષ્કા શર્મા
અનુષ્કા શર્માએ લોકોને સલાહ આપી છે કે તેઓ પોતાના પેટ્સને ન તરછોડે. તેણે ઇન્સ્ટાસ્ટોરી પર એક ફોટો શૅર કર્યો છે જેમાં કેટલાક વર્કર્સ ઉનાળામાં રસ્તા પર ચાલી રહ્યા છે. તેમની પાસે તેમનું પપી અને એક બતક છે જેને તેઓ પોતાની સાથે લઈને જઈ રહ્યા છે. આ ફોટોને ઇન્સ્ટાસ્ટોરી પર શૅર કરીને અનુષ્કાએ કૅપ્શન આપી હતી કે ‘આ પ્રવાસી કામગારો મુંબઈ-નાશિક હાઇવે પર પોતાના સામાનની સાથે ચાલીને પોતાના વતન જઈ રહ્યા છે. જ્યારે તમારા મનમાં તમારાં પાળતુ જાનવરોને છોડવાનો વિચાર આવે, જેને તમે એક બાળકની જેમ રાખો છો તો સૌ પહેલાં આ ફોટો યાદ કરજો.’