અનિલ કપૂરને યાદ આવી ઋષિ કપૂર સાથેની 'Happy memories', શેર કરી તસવીરો

તસવીરમાં ર્સ્વગીય ઋષિ કપૂર, રણબીર કફુર, સોનમ કપૂર અને અનિલ કપૂર

બૉલીવુડના ચોકલેટ બોય ઋષિ કપુર 30 એપ્રિલ 2020ના રોજ દુનિયાને અલવિદા કહીને ચાલ્યા ગયા છે. પરંતુ ફેન્સ અને કલાકારો હજી પણ તેમની વિદાયને સ્વિકારી શક્યા નથી. બોલીવુડમાં પણ ઋષિના અનેક ફેન્સ છે અને તેમાના એક એટલે અનિલ કપૂર. અનિલ કપૂર તેમના 'જેમ્સ' એટલે કે ઋષિ કપૂરને યાદ કરી રહ્યાં છે.

અનિલ કપૂરે તાજેતરમાં ઈન્સ્ટાગ્રામ ઋષિ કપૂર સાથેના ફોટોની સિરીઝ પોસ્ટ કરી છે. આ તસવીરો ઋષિ-નીતૂ કપૂરના દિકરા રણબીર કપૂર અને અનિલ-સુનિતા કપૂરની દિકરી સોનમની 2007માં આવેલી ડેબ્યૂ ફિલ્મ 'સાંવરિયા'ના લૉન્ચિંગની છે. અનિલે કેપ્શનમાં લખ્યું છે કે, જેમ્સને યાદ કરી રહ્યો છું. સોનમ અને રણબીરના કરિયરની લૉન્ચિંગ જે નીતૂ, ઋષિ અને આપણા સહુની ખુશીઓની યાદગાર પળો છે.

ફિલ્મ 'સાંવરિયા'ની વાત કરીએ તો સંજય લીલા ભણસાલી દ્વારા ડિરેક્ટર કરેલી સોનમ અને રણબીરની આ ડેબ્યૂ ફિલ્મ ફ્લોપ રહી હતી.

આ પહેલા પણ ઋષિ કપૂરના નિધન બાદ તેમને યાદ કરતા અનિલ કપૂરે કહ્યું હતું હતું કે તે ઋષિને જેમ્સ શા માટે બોલાવે છે. અનિલે કહ્યું હતું કે, ઋષિ કપૂરને જેમ્સ બોલાવવાનું કારણ એ છે કે તેઓ પહેલા એવા વ્યક્તિ હતા જે અમેરિકન એક્ટર જેમ્સ ડીન જેટલા સુંદર દેખાતા હતા.