અનન્યા બૉયફ્રેન્ડ સાથે પહોંચી લંચ-ડેટ માટે, સાથે લઈ ગઈ બેસ્ટ ફ્રેન્ડ સુહાનાને

વૉકર ભૂતપૂર્વ મૉડલ છે અને હાલમાં તે અનંત અંબાણીના વનતારા પ્રોજેક્ટ સાથે જોડાયેલો છે

અનન્યા, તેનો બોયફ્રેન્ડ અને સુહાના

અનન્યા પાંડે હાલમાં તેની ફિલ્મ ‘કેસરી : ચૅપ્ટર 2’ની સફળતાનો સ્વાદ ચાખી રહી છે. આ ફિલ્મમાં અનન્યાની ઍક્ટિંગનાં વખાણ થઈ રહ્યાં છે. હાલમાં અનન્યા આ ફિલ્મના પ્રમોશનમાંથી સમય કાઢીને પોતાના બૉયફ્રેન્ડ વૉકર બ્લૅન્કો સાથે લંચ-ડેટ પર ગઈ હતી. આ લંચ-ડેટમાં અનન્યાની ખાસ ફ્રેન્ડ સુહાના ખાને પણ તેને કંપની આપી હતી. જોકે આ લંચ-ડેટ પર અનન્યા અને વૉકરે રેસ્ટોરાંમાંથી સાથે બહાર આવવાને બદલે અલગ-અલગ બહાર આવવાનું પસંદ કર્યું હતું.

આ લંચ-ડેટ વખતે અનન્યાએ બેબી બ્લુ ટૉપ અને વાઇટ પૅન્ટ પહેર્યાં હતાં. એ સમયે ખુલ્લા વાળ અને લાઇટ મેકઅપમાં તે ખૂબસૂરત દેખાતી હતી. વૉકરે પણ વાઇટ ટી-શર્ટ અને ખાખી પૅન્ટ પહેર્યાં હતાં.

એક સમયે અનન્યા અને આદિત્ય રૉય કપૂર એકબીજાના ગળાડૂબ પ્રેમમાં હતાં પણ તેમના બ્રેકઅપ પછી અનન્યાનું નામ વૉકર બ્લૅન્કો સાથે જોડાયું છે. આ બન્ને અનંત અંબાણી અને રાધિકા મર્ચન્ટનાં લગ્નમાં પણ સાથે ને સાથે જોવા મળ્યાં હતાં. વૉકર ભૂતપૂર્વ મૉડલ છે અને હાલમાં તે અનંત અંબાણીના વનતારા પ્રોજેક્ટ સાથે જોડાયેલો છે.