05 March, 2020 01:11 PM IST | Mumbai Desk
અમિતાભ બચ્ચને શૅર કરી જયા બચ્ચનની તસવીર
હાલ સોશિયલ મીડિયા પર જૂની તસવીરોને શૅર કરવાનું ચલણ ખૂબ જ વધી રહ્યું છે. આ જ કડીને જોડતાં અમિતાભ બચ્ચને પણ પોતાના સોશિયલ મીજિયા પર એવી તસવીર શૅર કરી છે, જેના પર તેમના ચાહકોની ઘણી બધી કોમેન્ટ્સ આવી રહી છે. હકીકતે, બિગ બીએ પોતાના ઇન્સ્ટાગ્રામ પર પત્ની જયા બચ્ચનની જૂની તસવીર બંગાળી ફિલ્મ 'ડૉક્ટર બાબૂ'ની છે. આમાં જયા બચ્ચને સ્વામી વિવેકાનંદનું પાત્ર ભજવ્યું હતું.
અમિતાભ બચ્ચને તસવીર શૅર કરતાં કૅપ્શનમાં લખ્યું, "બંગાળી ફિલ્મ 'ડગ્ટર બાબૂ'માં જયાએ ભજવ્યું હતું વિવેકાનંદનું પાત્ર, પણ આ ફિલ્મ પૂરી ન થવાને કારણે ક્યારેય રિલીઝ ન થઈ." અમિતાભ બચ્ચને શૅર કરેલી આ તસવીર બ્લેક એન્ડ વ્હાઇટ છે. જેમાં તમે જયા બચ્ચનનો સ્વામી વિવેકાનંદવાળો લૂક જોવા મળશે. આ ગેટઅપમાં જયા ખૂબ જ સરસ દેખાય છે.
આમ તો ફોટોઝ સિવાય અમિતાભ સોશિયલ મીડિયા પર ઘણીવાર પોતે લખેલી કવિતાઓ પણ શૅર કરતાં હોય છે. બિગબીના વર્ક ફ્રન્ટની વાત કરીએ તો અમિતાભ ટૂંક સમયમાં જ આયુષ્માન ખુરાના સાથે 'ગુલાબો સિતાબો' ફિલ્મમાં દેખાવાના છે. સાથે જ 'બ્રહ્માસ્ત્ર'માં પણ તે કામ કરી રહ્યા છે. આ ફિલ્મમાં તેમની સાથે આલિયા અને રણબીર મુખ્ય પાત્રોમાં હશે.
તાજેતરમાં જ ફિલ્મના સેટ પરથી તેમની અને આલિયાની એક તસવીર પણ આવી હતી જે અમિતાભે પોતે પોતાના ઇન્સ્ટાગ્રામ પર શૅર કરી હતી. તે તસવીરમાં મહાનાયક, આલિયાને ભેટતા દેખાતાં હતા. આ ફિલ્મ અયાન મુખર્જીના નિર્દેશનમાં બની રહી છે. ચર્ચાઓ પ્રમાણે 4 ડિસેમ્બરના આ ફિલ્મ રિલીઝ થશે. તેની સાથે 'ઝુ્ંડ' અને 'ચહેરે'માં પણ અમિતાભ કામ કરી રહ્યા છે.