જાણો શું છે આલિયા ભટ્ટની ફિટનેસનો રાઝ

જાણો શું છે આલિયા ભટ્ટની ફિટનેસનો રાઝ

આલિયા ભટ્ટ સાથે આકાંશા રંજન કપૂર

એક્ટિંગ કે જિમ કરતાં રહેવું જોઇએ, આલિયા ભટ્ટને ખબર છે કે કેવી રીતે તેણે પોતાના બેસ્ટ શોટ્સ આપતાં રહેવાના છે. પોતાની ફિટનેસ માટે બી ટાઉનમાં જાણીતી અભિનેત્રી આલિયા ભટ્ટે બુધવારે પોતાના એરિયલ યોગા કરતાં ફોટા શેર કર્યા હતા. જેમાં તે પોતાની ફ્રેન્ડ આકાંશા રંજન કપૂર સાથે તે એરિયલ યોગાની પ્રેક્ટિસ કરતી જોવા મળે છે.

તસવીરમાં આલિયા ભટ્ટ અને આકાંશા એરિયલ યોગા કરતા કાપડની રસ્સી પર લટકતી પ્રેક્ટિસ કરતી જોવા મળે છે. બન્ને સવારે પોતાની એરિયલ યોગાની પ્રેક્ટિસ કરતી જોવા મળે છે. કલંકની અભિનેત્રીએ આ તસવીર શેર કરતી વખતે ફોટો કૅપ્શન આપતાં લખ્યું છે કે "ટ્રાય ટ્રાય અનટીલ યુ ફ્લાય" Try try untill you fly ??‍♂

તેનું વર્કઆઉટ તેની જિમ પાર્ટનર મલાઇકા અરોરાને પણ ઇમ્પ્રેસ કરે તેવો છે. છૈયા છૈયા ગર્લ મલાઇકા અરોરાએ પણ આલિયા ભટ્ટની આ તસવીરો તેના ઇન્સ્ટાગ્રામ હેન્ડલ પરથી શેર કરી હતી. સાથે તેણે લખ્યું હતું, "ફ્લાઇંગ દિવાઝ આલિયા ભટ્ટ, આકાંશા રંજન કપૂર ટુડે ડુઇંગ સમ એરિયલ યોગા."

આ પણ વાંચો : કૈકશાન પટેલ: જેણે બૉલીવુડમાં ગાયા છે આઈટમ સૉન્ગ

ઉલ્લેખનીય છે કે આલિયા ભટ્ટની ‘કલંક’એ ધારી સફળતા નથી મેળવી એ માટે આલિયાનું માનવું છે કે લોકોનો નિર્ણય જ હંમેશાં મહત્વ ધરાવે છે. ફિલ્મ પર વિશ્લેષણ કરશે કે નહીં એનો જવાબ આપતાં આલિયાએ કહ્યું હતું કે ‘હું મારી ફિલ્મનું વિશ્લેષણ નહીં કરીશ, કારણ કે મને એની જરૂર નથી લાગતી. ફિલ્મ માટે દર્શકોનો નિર્ણય જ સર્વોપરી છે. જો લોકોને ફિલ્મ ન ગમી હોય તો એ ફિલ્મ બૉક્સ-ઑફિસ પર નહીં ચાલે. એથી આપણે એ વાતને સ્વીકારવી જ રહી. આપણે આગળ વધીને, વધુ મહેનત કરીને એ વાતની ખાતરી કરવી જોઈએ કે હવે જ્યારે પણ આવીશું તો લોકોની આશા પર ખરા ઊતરીશું.’