લગ્નના કાર્ડ બાબતે આલિયા ભટ્ટે આપ્યું રિએક્શન, જુઓ વીડિયો

લગ્નના કાર્ડ બાબતે આલિયા ભટ્ટે આપ્યું રિએક્શન, જુઓ વીડિયો

આલિયા ભટ્ટ

સોશિયલ મીડિયા પર એક્ટર રણબીર કપૂર અને આલિયા ભટ્ટના લગ્નનો ડુપ્લિકેટ કાર્ડ વાયરલ થઈ રહ્યો છે. આ કાર્ડ પ્રમાણે, રણબીર અને આલિયાના લગ્ન 22 જાન્યુઆરી 2020ના થવા જઈ રહ્યા છે અને આ કાર્ડમાં ઘણી બધી ભૂલો પણ છે. જ્યારે આ કાર્ડ વાયરલ થવાની વાત આલિયા ભટ્ટ સુધી પહોંચી તો અભિનેત્રીનું આ રિએક્શન જોવા જેવું છે. અભિનેત્રી આ બાબતનો જવાબ આપવાને બદલે જોર જોરથી હસવા લાગે છે.

હકીકતે, આલિયા એરપોર્ટ પર પહોંચી તો ફોટોગ્રાફરે તેને લગ્નના કાર્ડ વિશે પૂછ્યું. ફોટોગ્રાફર્સ પૂછવા માગતા હતા કે શું 20 જાન્યુઆરી 2020ના તેમના લગ્નની વાત સાચી છે... તો અભિનેત્રી જવાબ આપવાને બદલે જોર જોરથી હસવા લાગી. હસતાં હસતાં આલિયા એરપોર્ટના ગેટ સુધી પહોંચી ગઈ અને તેના પછી પણ ફોટોગ્રાફર્સે સવાલ કર્યો તો તેણે હસતાં હસતાં કહ્યું, "શું કહું?"

જો કે જ્યારે ફોટોગ્રાફર્સે આ વાતની હકીકત જાણવા પ્રયત્ન કર્યો તો આલિયાએ ના પાડી દીધી. આલિયાએ કંઇ કહ્યું નહીં, પણ તેણે સંકેતો દ્વારા ના પાડી દીધી અને ત્યાર બાદ તે એરપોર્ટની અંદર ગઈ. આ દરમિયાન આલિયા ભટ્ટે રેડ કલરનું ટ્રાઉઝર અને વાઇટ ટીશર્ટ પહેર્યું હતું અને ખભે જેકેટ લીધી હતી. અભિનેત્રીએ ભલે આ સવાલનો જવાબ ન આપ્યો હોય, પણ તેના રિએક્શન જોવા જેવા હતા.

આ પણ વાંચો : 1 નહીં, 2 નહીં પણ 4-4 કિલો વજન ધરાવતી, તારી પાઘડીએ મનડું મારું મોહ્યું...

જણાવીએ કે સોશિયલ મીડિયા પર એક વેડિંગ કાર્ડ વાયરલ થઈ રહ્યું છે, જેમાં દૂલ્હાની જગ્યાએ રણબીર કપૂર અને દુલ્હનના નામની જગ્યાએ આલિયા ભટ્ટનું નામ લખેલું છે અને લોકો આ શૅર પણ કરી રહ્યા છે. વાયરલ કાર્ડમાં અનેક ભૂલો છે જે એ જણાવવા માટે પૂરતું છે કે આ કાર્ડ ફેક છે. કાર્ડમાં આલિયાના પિતાના નામ મહેશ ભટ્ટને બદલે મુકેશ ભટ્ટ લખ્યું છે. એટલે કે આલિયા ભટ્ટને મુકેશ ભટ્ટની દીકરી કહેવામાં આવ્યું છે. કાર્ડમાં 'દુલ્હન' એટલે કે આલિયા ભટ્ટના નામના સ્પેલિંગમાં પણ ભૂલ છે.