સેક્સિએસ્ટ એશિયન ફીમેલ બની આલિયા

સેક્સિએસ્ટ એશિયન ફીમેલ બની આલિયા

આલિયા ભટ્ટ

આલિયા ભટ્ટને એશિયાની સેક્સિએસ્ટ ફીમેલ ૨૦૧૯ બનાવવામાં આવી છે. લંડનના વીકલી મૅગેઝિન ઈસ્ટર્ન આઇએ આ લિસ્ટ બનાવ્યું છે. આ લિસ્ટ ઑનલાઇન વોટ દ્વારા બનાવવામાં આવે છે. સોશ્યલ મીડિયા પર મળનારી પ્રતિક્રિયાઓના આધાર પર એને તૈયાર કરવામાં આવે છે. ‘સેક્સિએસ્ટ એશિયન ફીમેલ’ના લિસ્ટમાં ટૉપ પર આલિયા છે તો બીજું સ્થાન દીપિકા પાદુકોણને મળ્યું છે. ત્રીજા સ્થાન પર ટેલિવિઝન સ્ટાર હિના ખાન છે. ચોથા પર પાકિસ્તાની ઍક્ટર માહિરા ખાન છે. પાંચમા ક્રમાંકે સુરભી ચંદના, છઠ્ઠા નંબરે કૅટરિના કૈફ, સાતમા નંબરે શિવાંગી જોશી, આઠમા ક્રમાંકે નિયા શર્મા, નવમા સ્થાને મેહવિશ હયાત અને દસમા નંબરે પ્રિયંકા ચોપડા જોનસ છે.

આ પણ વાંચો : કાર્તિક અને સારા ફરી એકવાર સાથે જોવા મળી શકે છે

પોતાને મળેલા પહેલા નંબર પર ખુશી વ્યક્ત કરતાં આલિયાએ કહ્યું હતું કે ‘મારું માનવું છે કે ખરી સુંદરતા જે દેખાય છે એના કરતાં ઘણી આગ‍ળ હોય છે. એ જ બાબત વધુ મહત્વ ધરાવે છે. ઉંમર વધતાં દેખાવ પણ બદલાઈ જશે. જોકે દિલ સારું હોય તો એ તમને હંમેશાં સુંદર બનાવી રાખે છે. આ જ વસ્તુ પર આપણે સૌને ધ્યાન રાખવું જોઈએ.’