ક્લોધિંગ બ્રૅન્ડ લૉન્ચ કરવાનો છે અક્ષયકુમાર

અક્ષયકુમાર હવે ‘ફોર્સ IX’ નામની ક્લોધિંગ બ્રૅન્ડ લૉન્ચ કરવાનો છે. એમાં દરેક પ્રકારનાં કપડાં લોકોને મળી રહેશે.

અક્ષય કુમાર

અક્ષયકુમાર હવે ‘ફોર્સ IX’ નામની ક્લોધિંગ બ્રૅન્ડ લૉન્ચ કરવાનો છે. એમાં દરેક પ્રકારનાં કપડાં લોકોને મળી રહેશે. એની જાહેરાત અક્ષયકુમારે ઇન્સ્ટાગ્રામ પર કરી છે. એ જાહેરાત કરતી એક નાનકડી વિડિયો ક્લિપ તેણે શૅર કરી છે. એમાં તે ટાઇપ કરી રહ્યો છે કે ઍથ્લેટિક, એસેન્શિયલ, વર્સટાઇલ, કમ્ફર્ટેબલ, અફૉર્ડેબલ અને છેલ્લે લખે છે ફૅશન ફૉર ઑલ. એ ક્લિપને ઇન્સ્ટાગ્રામ પર શૅર કરીને અક્ષયકુમારે કૅપ્શન આપી હતી, ‘સમય આવી ગયો છે કે મોટી જાહેરાત કરું. મારો પૅશન પ્રોજેક્ટ, મારી બ્રૅન્ડ અને એનું નામ છે ‘ફોર્સ IX’. એન્જિનિયર્ડ વિથ ઇમોશન. જલદી જ આવશે.’