02 August, 2020 06:54 PM IST | Mumbai Desk | Agencies
મુંબઈ પોલીસ માટે હેલ્થ ટ્રૅકિંગ ડિવાઇસ ડોનેટ કર્યાં અક્ષયકુમારે
અક્ષયકુમારે મુંબઈ પોલીસના સ્વાસ્થ્યને ધ્યાનમાં રાખતાં તેમને માટે ૧૦૦૦ હેલ્થ ટ્રૅકિંગ ડિવાઇસ ડોનેટ કર્યાં છે. અગાઉ તેણે નાશિક પોલીસને પણ આ ડિવાઇસ ડોનેટ કર્યાં હતાં. કોરોનાના જંગમાં અક્ષયકુમારે ઘણી બધી મદદ કરી છે. આ GOQii ડિવાઇસ આપણા યોદ્ધાઓનું ઑક્સિજન, શરીરનું તાપમાન અને હાર્ટબીટ્સની સતત માહિતી આપશે. એ વિશેની માહિતી ટ્વિટર પર આપતાં આદિત્ય ઠાકરેએ ટ્વીટ કર્યું હતું કે ‘અક્ષયજી હંમેશાં આપણા દેશની સેના અને વિવિધ રાજ્યોનાં પોલીસને સપોર્ટ કરે છે. કોરોના-વૉરિયર્સ માટે તેમણે જે ચિંતા દેખાડી છે એને લઈને હું તેમનો આભારી છું. સાથે જ અમે આ ટ્રૅકર્સ બીએમસીને આપવા માટે પણ ચર્ચા કરી છે. આજે અક્ષયકુમારજીએ ફિટનેસ-હેલ્થ ટ્રૅકિંગ ડિવાઇસ મુંબઈ પોલીસને સોંપ્યાં છે. એ ડિવાઇસ ઑક્સિજન, શરીરનું તાપમાન અને હાર્ટ-રેટ માપે છે. એનાથી કોરોના સામે લડવામાં મદદ મળશે. ગયા મહિને અક્ષયજીએ નાશિક પોલીસને પણ આ ડિવાઇસ આપ્યાં હતાં.’