ઓરિજિનલ ખિલાડી, નવો અનાડી

આ ગીતના નવા વર્ઝનનો ફિલ્મ ‘સેલ્ફી’માં સમાવેશ કરવામાં આવ્યો છે

અક્ષયકુમાર અને ઇમરાન હાશ્મી

અક્ષયકુમાર અને ઇમરાન હાશ્મી હવે ‘સેલ્ફી’માં ‘મૈં ખિલાડી તૂ અનાડી’ ગીત પર ડાન્સ કરતા જોવા મળશે. આ ગીતના નવા વર્ઝનનો ફિલ્મ ‘સેલ્ફી’માં સમાવેશ કરવામાં આવ્યો છે. ૧૯૯૪માં આવેલી ‘મૈં ખિલાડી તૂ અનાડી’ ફિલ્મમાં આ ગીત અક્ષય અને સૈફ અલી ખાન પર ફિલ્માવવામાં આવ્યું હતું. અક્ષયે હાલમાં જ આ વિડિયોની એક ઝલક શૅર કરીને સૈફને જન્મદિવસની શુભેચ્છા પણ પાઠવી હતી. ઇમરાને આ માટેનો એક વિડિયો શૅર કર્યો છે. આ વિડિયો શૅર કરીને ઇમરાને કૅપ્શન આપી હતી કે ‘ઓરિજિનલનાં ૨૮ વર્ષ બાદ ફરી. ઓરિજિનલ ખિલાડી અને નવો અનાડી. અમારી વચ્ચે ડાન્સ ઑફ જોવા મળશે. અને શું જોરદાર ડાન્સ છે આ!’