આયુષ શર્માની ફિલ્મનું નામ આપવામાં આવ્યું 'ગન્સ ઑફ નૉર્થ'

આયુષ શર્માની ફિલ્મનું નામ આપવામાં આવ્યું 'ગન્સ ઑફ નૉર્થ'

આયુષ શર્માની ફિલ્મનું નામ હવે ‘ગન્સ ઑફ નૉર્થ’ આપવામાં આવ્યું છે. મરાઠી ફિલ્મ ‘મુલ્સી પૅટર્ન’ની આ હિન્દી રીમેક છે. ઍક્શનથી ભરપૂર આ ફિલ્મ પંજાબ બેઝ્ડ છે. આ ફિલ્મમાં આયુષ ખૂંખાર જાટ ગૅન્ગસ્ટરના પાત્રમાં જોવા મળશે. આ ફિલ્મને પહેલાં ‘ધાક’ નામ આપવામાં આવ્યું હતું જે બદલીને હવે ‘ગન્સ ઑફ નૉર્થ’ થઈ ગયું છે. આ ફિલ્મની સ્ક્રિપ્ટ પર છેલ્લાં બે વર્ષથી કામ ચાલી રહ્યું હતું. ફિલ્મનું શૂટિંગ એપ્રિલથી શરૂ થવાનું હતું, પરંતુ કોરોના વાઇરસને કારણે એ લંબાઈ ગયું છે. આ ફિલ્મને હિન્દીની સાથે તામિલ, તેલુગુ, કન્નડ અને ઓરિયામાં પણ રિલીઝ કરવામાં આવશે. આ ફિલ્મ માટે આયુષે ૧૨ કિલો વજન વધાર્યું હતું અને જબરદસ્ત બૉડી પણ વધારી છે. આ ફિલ્મમાં તેની સાથે સલમાન ખાન પણ જોવા મળશે એવી ચર્ચા છે.