13 September, 2026 11:55 AM IST | Mumbai | Gujarati Mid-day Correspondent
આમિર ખાન
આમિર ખાન ભારતના મહાન ક્રિકેટર લાલા અમરનાથના જીવન પરથી બનનારી ફિલ્મ ‘લલકારા’ને લઈને ચર્ચામાં છે. માનવામાં આવી રહ્યું છે કે આ જ વર્ષે નવેમ્બરમાં આ ફિલ્મનું શૂટિંગ શરૂ થઈ શકે છે. આ સિવાય આમિર એક ફિલ્મમાં સુપરહીરો તરીકે દેખાઈ શકે છે. મળતી માહિતી પ્રમાણે આમિર પ્રોડ્યુસર સાજિદ નડિયાદવાલા અને ડિરેક્ટર આર. બાલ્કી સાથે એક પ્રોજેક્ટ વિશે ચર્ચા કરી રહ્યો છે. હાલમાં આ પ્રોજેક્ટ શરૂઆતના તબક્કામાં છે અને એનું નામ પણ હજી નક્કી થયું નથી.
રિપોર્ટ પ્રમાણે આ ફિલ્મની સ્ક્રિપ્ટ પર ઝડપથી કામ ચાલી રહ્યું છે. આમિરે આ પ્રોજેક્ટમાં રસ દર્શાવ્યો છે, પરંતુ અત્યાર સુધી મેકર્સ અને આમિર વચ્ચે ફિલ્મને લઈને કોઈ પાકી સમજૂતી થઈ નથી. આગામી થોડા મહિનામાં આ વિશેની વાતચીત આગળ વધવાની શક્યતા છે. જો બધું યોગ્ય રીતે આગળ વધ્યું તો આવનારા સમયમાં આમિર એક સુપરહીરો ફિલ્મમાં જોવા મળી શકે છે.
