જૅકી ચેન દ્વારા મળેલી ગિફ્ટથી ખૂબ ખુશ છે યામી ગૌતમ

જૅકી ચેન દ્વારા મળેલી ગિફ્ટથી ખૂબ ખુશ છે યામી ગૌતમ

યામી ગૌતમ

જૅકી ચેન તરફથી યામી ગૌતમને ગિફ્ટ મળતાં તે ખૂબ જ ઉત્સાહમાં આવી ગઈ છે. હૃતિક રોશન અને યામીની ‘કાબિલ’ ચીનમાં હાલમાં જ રિલીઝ થઈ છે. પોતાને મળેલી ભેટ વિશે જણાવતાં યામીએ કહ્યું હતું કે ‘મને ખૂબ આશ્ચર્ય થયું હતું જ્યારે મેં સાંભળ્યું કે મિસ્ટર ચેને મારા માટે ગિફ્ટ મોકલી છે. હું તેમને મળી શકી નહોતી, કારણ કે હું ભારતમાં ‘બાલા’નું શૂટિંગ કરી રહી હતી. જોકે હું જ્યારે બીજીંગ ગઈ ત્યારે મને તેમના વતી એક પાર્સલ આપવામાં આવ્યું હતું.

આ પણ વાંચો : કૅટરિના અને શાહિદના એકસરખા દેખાતા આઉટફિટ્સ પર ફૅન્સે ઉડાવી મજાક

મને ગિફ્ટ આપવી એ તેમની ઉદારતા દર્શાવે છે. બાળપણથી અમે તેમની ફિલ્મો જોઈને મોટા થયા છીએ. હું તેમના કામની ખૂબ મોટી ફૅન છું. તેઓ એક આઇકન અને લેજન્ડ છે. મને આશા છે કે હું જલદી જ તેમને મળીશ.’