19 September, 2019 11:33 AM IST | મુંબઈ
વિવેક ઑબેરૉય
વિવેક ઑબેરૉયે હાલમાં જ અભિષેક બચ્ચનને તેની આગામી ફિલ્મ ‘ધ બિગ બુલ’ માટે શુભેચ્છા પાઠવી છે. આ સાથે જ તેણે અજય દેવગન અને ડિરેક્ટર કૂકી ગુલાટીને પણ શુભેચ્છા પાઠવી હતી. લોકસભાના ઇલેક્શન વખતે ઐશ્વર્યા રાય બચ્ચનને લઈને વિવેકે એક મીમ શૅર કર્યો હતો. આ મીમને લઈને ઘણી કન્ટ્રોવર્સી ઊભી થઈ હતી જેને કારણે વિવેકે એ ફોટો ડિલીટ કરી દીધો હતો.
આ ઘટનાના થોડા મહિના બાદ વિવેક અને અભિષેક હાલમાં જ એકમેકને મળ્યાં હતાં. તેમની મુલાકાત બાદ અભિષેકની ‘ધ બિગ બુલ’ની જાહેરાત કરવામાં આવી હતી. આ ફિલ્મને અજય દેવગન પ્રોડ્યુસ કરી રહ્યો છે. આ વિશે વિવેકે ટ્વીટ કર્યું હતું કે ‘ટીમ ‘ધ બિગ બુલ’ને અભિનંદન.
આ પણ વાંચો : અનુપમ ખેરની મમ્મીની જન્મદિવસની શુભેચ્છાથી ભાવુક થયા નરેન્દ્ર મોદી
સુપર ટેલેન્ટેડ ટીમ કૂકી ગુલાટી, જુનિયર બચ્ચન, અજય દેવગન, આનંદ પંડિત, કુમાર મંગત અને ટીમના અન્ય દરેક સભ્યોને શુભેચ્છા. આશા રાખું છું કે તમારી ફિલ્મ અદ્ભુત રહે. ખૂબ જ પ્રેમ.’