30 October, 2019 11:37 AM IST | મુંબઈ | ઉપાલા કે.બી.આર.
ઐશ્વર્યા રાય બચ્ચન, અભિષેક બચ્ચન અને આરાધ્યા
ઐશ્વર્યા રાય બચ્ચન તેનો બર્થ-ડે ઇટલીમાં અભિષેક બચ્ચન અને આરાધ્યા સાથે મનાવશે. એક નવેમ્બરે ઐશ્વર્યાનો બર્થ-ડે છે. ઐશ્વર્યા માટે આ ફૅમિલીની સાથે એક બિઝનેસ ટ્રિપ પણ છે, કારણ કે તે સ્વિસ વૉચની બ્રૅન્ડ સાથે વીસ વર્ષથી સંકળાયેલી છે. એથી એ કંપનીએ ઐશ્વર્યા માટે ખાસ સેલિબ્રેશનનું પણ આયોજન કર્યું છે. આ પાર્ટી બાદ ઐશ્વર્યા, અભિષેક અને આરાધ્યા રોમના પ્રવાસે જશે. ગયા વર્ષે પણ બર્થ-ડે પાર્ટી કર્યા બાદ તેઓ ગોવા રવાના થયાં હતાં.
આ પણ વાંચો : અમિતાભ બચ્ચનની દિવાળી પાર્ટીને સ્પેશ્યલ ગણાવી દુલ્કર સલમાને
આ વર્ષે પણ રોમમાં બર્થ-ડે સેલિબ્રેશન બાદ ઐશ્વર્યા અને અભિષેક મુંબઈ આવીને ફૅમિલી અને ફ્રેન્ડ્સ માટે પાર્ટી અરેન્જ કરશે એવી શક્યતા છે. ત્યાર બાદ બન્ને પોતપોતાના કામમાં વ્યસ્ત થઈ જશે.