23 December, 2018 07:25 PM IST | Mumbai
ફાઇલ ફોટો
સ્વરા ભાસ્કરનું કહેવું છે કે કામ કરતી દરેક યુવતી માટે કરીના કપૂર ખાન પ્રેરણા સમાન છે. કરીનાએ પ્રોફેશનલ અને પર્સનલ લાઇફમાં ખૂબ જ સારું બૅલૅન્સ જાળવી રાખ્યું છે, આ વિશે વધુ જણાવતાં સ્વરાએ કહ્યું હતું કે ‘કરીના કામ કરનારી યુવતીઓ માટે એક પ્રેરણા સમાન છે. તેણે એ સાબિત કરી આપ્યું છે કે પર્સનલ લાઇફને એન્જૉય કરવાની સાથે જ કરીઅરમાં સફળ કઈ રીતે થઈ શકાય છે. કરીના જે રીતે પ્રોફેશનલ અને પર્સનલ લાઇફમાં બૅલૅન્સ જાળવી રહી છે એ ખરેખર અદ્ભુત છે.’
બાયોગ્રાફીમાં કામ કરવાની ઇચ્છા વિશે પૂછતાં સ્વરાએ કહ્યું હતું કે ‘જો કોઈ બૉલીવુડની આઇકૉનિક ઍક્ટ્રેસ મધુબાલાજી પર બાયોગ્રાફી બનાવે તો મને એમાં કામ કરવું ગમશે. જો કોઈ ઐતિહાસિક વ્યક્તિ પર બાયોગ્રાફી બનાવે તો મને ઇન્દિરા ગાંધીનો રોલ કરવાની ઇચ્છા છે.’