03 March, 2019 09:05 AM IST |
સંજય લીલા ભણસાલી
સંજય લીલા ભણસાલીના પ્રોડક્શન હાઉઝ દ્વારા તેમની ભાણેજ શર્મિન સેગલ અને જાવેદ જાફરીનો દીકરો મિઝાન બૉલીવુડમાં ઍન્ટ્રી કરી રહ્યાં છે. આ વાત ઘણા સમયથી ચર્ચાઈ રહી હતી, પરંતુ હવે એના પર મહોર લાગી ગઈ છે. શર્મિન એ સંજય લીલા ભણસાલીની બહેન બેલા ભણસાલી સેગલની દીકરી છે. બેલા સેગલે ૨૦૧૨માં આવેલી ‘શીરીન ફરહાદ કી તો નિકલ પડી’ને ડિરેક્ટ કરી હતી. ભણસાલી પ્રોડક્શન હાઉઝની ‘મલાલ’ નામની આ ફિલ્મ દ્વારા તે એન્ટ્રી કરશે. પહેલાં એવી ચર્ચા હતી કે આ ફિલ્મમાં શ્રીદેવી અને બૉની કપૂરની દીકરી ખુશી કપૂર ચમકવાની છે. જોકે, હવે શર્મિનની એન્ટ્રી પાક્કી થઈ ગઈ છે. શર્મિને આ પ્રોડક્શન હાઉઝ સાથે ટોટલ ત્રણ ફિલ્મોનો કૉન્ટ્રૅક્ટ કર્યો છે. બૉલીવુડમાં એન્ટ્રીને લઈને શર્મિને કહ્યું હતું કે ‘મેં જ્યારે એક કલાકાર બનવાનું નક્કી કર્યું હતું ત્યારે હું એ વાતથી જ ખૂબ ઉત્સાહિત થઈ ઊઠી હતી કે હવે હું ઇમોશન્સ અને એક્સપિરિયન્સને ફીલ કરી શકીશ. આવો અનુભવ મને દરરોજ નથી મળવાનો. હું ખુશ છું કે આ ફિલ્મ દ્વારા મને લૉન્ચ કરવામાં આવી. આ થોડું અઘરું છે, પણ મને એક સારો અનુભવ મળશે.’
આ પણ વાંચો : Box Office: લુકા છુપીએ પહેલા દિવસે કરી ધુઆંધાર કમાણી, કાર્તિકે બનાવ્યો રેકોર્ડ
આ ફિલ્મ મળતાં પોતાની ખુશી વ્યક્ત કરતાં મિઝાને કહ્યું હતું કે ‘ઍક્ટર બનવાનું મારું બાળપણનું સપનાં નહોતું. જોકે સંજયસરે મને આ સપનું દેખાડ્યું છે અને મને લૉન્ચ કરીને એ પૂરું પણ કર્યું છે.’