19 February, 2019 11:00 AM IST |
સિંગર રેખા ભારદ્વાજ
સિંગર રેખા ભારદ્વાજ અને હર્ષદીપ કૌરે તેમની લાહોરની ઇવેન્ટને કૅન્સલ કરી દીધી છે. તેમને ૨૧ અને ૨૨ માર્ચે લાહોરમાં યોજાઈ રહેલી શાન-એ-પાકિસ્તાન ૨૦૧૯ની ગાલામાં આમંત્રણ આપવામાં આવ્યું હતું. ‘હીર’ અને ‘દિલબરો’ જેવાં ગીતો ગાનાર હર્ષદીપે આ શો કૅન્સલ કર્યો છે. રેખા ભારદ્વાજ ફિલ્મમેકર વિશાલ ભારદ્વાજની પત્ની છે અને તેણે ‘ગેંદા ફૂલ’, ‘કબીરા’ અને ‘ઘાગરા’ જેવાં ગીતો ગાયાં છે. પુલવામામાં થયેલા આતંકવાદી હુમલાને કારણે તેણે પણ આ ઇવેન્ટમાં હાજરી આપવાની ના પાડી દીધી છે. આ વિશે રેખા ભારદ્વાજે કહ્યું હતું કે પુલવામામાં થયેલા હુમલા બાદ મેં અમારો પાકિસ્તાનનો શો કૅન્સલ કરી દીધો હતો.