જુઓ અમિતાભ બચ્ચનની પુત્રી શ્વેતા બચ્ચનના લગ્નના અનસીન ફોટોઝ

જુઓ અમિતાભ બચ્ચનની પુત્રી શ્વેતા બચ્ચનના લગ્નના અનસીન ફોટોઝ

અમિતાભ બચ્ચનની પુત્રી શ્વેતા બચ્ચન નંદાના લગ્નના અનસીન ફોટોઝ સોશિયલ મીડિયા પર વાઈરલ થઈ રહ્યા છે. આ ફોટોઝ જાણીતા ફેશન ડિઝાઈનર્સ અબુ જાની અને સંદીપ ખોસલાએ પોતાના ઈન્સ્ટાગ્રામ પર શૅર કર્યા છે. આ ફોટોઝ લગભગ 22 વર્ષ જૂના છે. ડિઝાઈનર અબુ જાની અને સંદીપ ખોસલાએ પણ આ ફોટોઝ પાછળની સ્ટોરી જાહેર કરી છે.

શ્વેતા બચ્ચનના લગ્ન 16 ફેબ્રુઆરી 1997ના રોજ ઉદ્યોગપતિ નિખિલ નંદા સાથે થયા હતા. નિખિલ રાજકપૂરની પુત્રી રિતુ નંદા અને રાજન નંદાના પુત્ર છે. શ્વેતા અને નિખિલને બે બાળકો નવ્યા નવેલી નંદા અને અગત્સ નંદા છે. અબુ જાની સંદીપ ખોસલાએ કહ્યું છે કે શ્વેતાના લગ્ન તેમનું પહેલું અસાઈનમેન્ટ હતું. નીચેના ફોટોમાં જે ડ્રેસ છે તે શ્વેતાએ પોતાની મહેંદી સેરેમનીમાં પહેર્યા હતા.

અબુ જાની સંદીપ ખોસલાએ આ ફોટોઝ શૅર કરવાની પરવાનગી આપવા માટે જયા બચ્ચનનો આભાર માન્યો છે. ડિઝાઈનર જોડીએ લખ્યું છે,'મિસિઝ જયા બચ્ચનનો દિલથી આભાર. તેમણે શ્વેતા અને નિખિલના સંગીત સમારોહની તસવીરો અમને શૅર કરી.' આ નોટાં તેમણે લખ્યું છે કે અબુ જાની અને સંદીપ ખોસલાના કરિયરની આ પહેલી ઈવેન્ટ હતી. તેણે દરેક ફંક્શન માટે બચ્ચન પરિવારના સભ્યો માટે ડ્રેસ ડિઝાઈન કર્યા હતા.

અબુ જાની સંદીપ ખોસલાએ તેમના પર ભરોસો મૂકવા માટે બચ્ચન પરિવારનો આભાર માન્યો. બચ્ચન પરિવારે ડિઝાઈનર જોડીને પોતાના ક્રિએટીવીટી બતાવવાની પૂરી છૂટ આપી હતી. અબુ જાની અને સંદીપ ખોસલાની જોડીને ફેશન ડિઝાઈનિંગની દુનિયામાં 33 વર્ષ થઈ ચૂક્યા છે.

અબુ જાની અને સંદીપ ખોસલા બચ્ચન પરિવારના નજીકના ગણાય છે. કહેવાય છે કે જયા બચ્ચન તેમને પોતાના ભાઈ માને છે અને બચ્ચન પરિવારની ખાસ ઈવેન્ટમાં ડિઝાઈનર્સની જોડીની હાજરી હોય છે.

અબુ જાની સંદીપ ખોસલાએ પોતાની નોટમાં ખુલાસો કર્યો છે કે તેમણે કેવી રીતે શ્વેતાને દુલ્હન બનાવવા માટે બ્રાઈડલ ડ્રેસ તૈયાર કર્યો હતો. ઉપરનો ફોટો ત્યારનો છે, જ્યારે શ્વેતા પહેલીવાર માતા બનવાની હતી. આ ફોટો નવ્યાના જન્મના 4 દિવસ પહેલા લેવાયો હતો.