06 June, 2019 10:20 AM IST | બૅન્ગકૉક
અક્ષયકુમાર
અક્ષયકુમારે ગઈ કાલે ઇન્સ્ટાગ્રામ પર એક ફોટો શૅર કર્યો હતો જેમાં તે હેલિકૉપ્ટર સાથે સ્ટન્ટ કરતો જોવા મળી રહ્યો છે. તે હાલમાં બૅન્ગકૉકમાં ‘સૂર્યવંશી’નું શૂટિંગ કરી રહ્યો છે. તેનો બાઇક પર સ્ટન્ટ કરતો ફોટો ખૂબ જ વાઇરલ થયો છે ત્યારે બીજા દિવસે તે હેલિકૉપ્ટર સાથે સ્ટન્ટ કરતો જોવા મળી રહ્યો છે. આ ફોટોમાં તેની સાથે ફિલ્મનો ડિરેક્ટર રોહિત શેટ્ટી બાઇક ચલાવતો જોવા મળી રહ્યો છે.
આ પણ વાંચો : આયુષ શર્મા બનશે આર્મી ઑફિસર
આ ફોટો શૅર કરતાં અક્ષયકુમારે લખ્યું હતું કે ‘કૅઝ્યુઅલી હેલિકૉપ્ટર પર લટકી રહ્યો છું. ‘સૂર્યવંશી’ના સેટ પર એક બીજો દિવસ. તા. ક. આ સ્ટન્ટ પોતે કરવો નહીં. દરેક સ્ટન્ટને સુપરવાઇઝરની દેખરેખ હેઠળ કરવામાં આવી રહ્યા છે.’