26 December, 2020 08:27 AM IST | Argentina | Gujarati Mid-day Correspondent
આર્જેન્ટિનાના સુપરસ્ટાર ફુટબોલર લિઓનેલ મેસીએ મંગળવારે ક્લબ બાર્સેલોના વતી રિયલ વૅલાડોલિડ સામે ગોલ ફટકારીને તેના ગોલનો આંકડો ૬૪૪ પર પહોંચાડી દીધો હતો અને પેલેને પાછળ રાખીને નવો રેકૉર્ડ રચી દીધો હતો. આ સાથે મેસી એક જ ક્બલ વતી સૌથી વધુ ગોલકરનાર ખેલાડી બની ગયો હતો. મેસીના કારનામાને સેલિબ્રેટ કરવા એક બ્રિયર કંપની સ્પેશ્યલ ૬૪૪ બોટલ તૈયાર કરી હતી અને દરેક બોટલ પર મેસીના ફોટા સાથે ગોલ નંબર લખ્યો હતો. એ નંબરનો ગોલ જે ગોલકિપર સામે ફટકાર્યો હતો એ ગોલકિપરને એ બોટલ ગિફ્ટમાં મોકલાવી હતી. બિયર કંપનીએ સ્પેશ્યલ બોટલનો તથા દરેક ગોલકિપર પણ તેને મળેલી બોટલ સાથેનો ફોટો સોશ્યલ મિડિયામાં શૅર કર્યો હતો.