બૉક્સિંગમાં પહેલો મેડલ પ્રીતિ પવારે અપાવ્યો, પહેલી જ વખત ટુર્નામેન્ટમાં રમીને ગોલ્ડ જીત્યો

ભારતની 22 વર્ષની બૉક્સર પ્રીતિ પવારે કૉમનવેલ્થ ગેમ્સ 2026માં મહિલાઓની 54 કિલો વજન વર્ગમાં ગોલ્ડ મેડલ જીતીને ભારતને બૉક્સિંગમાં પ્રથમ અને કુલ 24મો મેડલ અપાવ્યો.

પ્રીતિ પવાર

કૉમનવેલ્થ ગેમ્સ 2026ની બૉક્સિગ ઇવેન્ટમાં ૬ મહિલા અને ૪ પુરુષ સહિત ૧૦ બૉક્સર ફાઇનલમાં પહોંચ્યાં હતાં, જેમાંથી બાવીસ વર્ષની પ્રીતિ પવારે ભારતને આ આવૃત્તિનો પહેલો બૉક્સિંગ મેડલ અને ઓવરઑલ ૨૪મો મેડલ અપાવ્યો હતો. 
પ્રીતિ પવારે પોતાની પહેલી કૉમનવેલ્થ ગેમ્સમાં મહિલાઓની ૫૪ કિલોની કૅટેગરીની ફાઇનલમાં કૅનેડાની હરીફ સામે ત્રણેય રાઉન્ડમાં શાનદાર પ્રદર્શન કરીને ગોલ્ડ મેડલ પોતાને નામે કર્યો હતો. પ્રીતિ પવારનો જન્મ હરિયાણામાં થયો હતો જે ભારતની બૉક્સિંગ નર્સરી તરીકે ઓળખાય છે. ખેલાડીઓના પરિવારમાં જન્મેલી પ્રીતિ પવારે ૧૪ વર્ષની ઉંમરથી બૉક્સિંગ શીખવાનું શરૂ કરી દીધું હતું.