વુશુની રમતમાં ભારતની પ્રિયંકા જીતી ગોલ્ડ મેડલ

તેણે અન્ડર-૧૮ ૪૮ કિલો વર્ગની ફાઇનલમાં હરીફને પરાજિત કરીને આ સિદ્ધિ મેળવી હતી

પ્રિયંકા કેવટ

વુશુ એક પ્રકારની માર્શલ આર્ટ્સની રમત છે અને એમાં જ્યોર્જિયામાં રમાયેલી ઇન્ટરનૅશનલ વુશુ ચૅમ્પિયનશિપમાં મધ્ય પ્રદેશની પ્રિયંકા કેવટ ગોલ્ડ મેડલ જીતી છે. તેણે અન્ડર-૧૮ ૪૮ કિલો વર્ગની ફાઇનલમાં હરીફને પરાજિત કરીને આ સિદ્ધિ મેળવી હતી. પ્રિયંકા મધ્ય પ્રદેશના મધિલા ગામની ગરીબ પરિવારની છે. તેના પિતા સ્થાનિક નર્સિંગ હોમમાં કૅશિયર છે. પ્રિયંકાએ ગઈ કાલે કહ્યું, ‘આ મારી પહેલી જ ઇન્ટરનૅશનલ ઇવેન્ટ હતી અને એમાં સુવર્ણચંદ્રક જીતીને તમામ સ્પર્ધકો વચ્ચે ભારતીય તિરંગો લહેરાવવામાં મેં બેહદ આનંદ અનુભવ્યો. મને આ ગોલ્ડ મેડલ વધુ મોટી સ્પર્ધાઓ જીતવા માટે પ્રેરિત કરશે.’