28 July, 2026 11:49 AM IST | Mumbai | Gujarati Mid-day Correspondent
મીરાબાઈ ચાનુ
કૉમનવેલ્થ ગેમ્સમાં ભારતને પહેલો ગોલ્ડ મેડલ અપાવનાર વેઇટલિફ્ટર મીરાબાઈ ચાનુએ મોટો ખુલાસો કર્યો છે. તેણે કહ્યું હતું કે ‘આ વખતે ૪૮ કિલો કૅટેગરીમાં મારું વજન જાળવી રાખવા માટે મારે બધું છોડી દેવું પડ્યું. હું ખાઈ શકી નહીં અને મેં ત્રણ દિવસ સુધી પાણી પણ પીધું નહોતું.’
મીરાબાઈએ ગોલ્ડ જીતવા માટે કુલ ૧૯૦ કિલો વજન ઉપાડ્યું હતું. તેણે સોશ્યલ મીડિયા પોસ્ટમાં લખ્યું કે ‘રાષ્ટ્રગીતની સાથે તિરંગો લહેરાતો જોઈને મને અહેસાસ થયો કે મેં મમ્મી અને કોચ વિજય શર્માને આપેલું વચન પૂર્ણ કર્યું છે. તમારા અતૂટ સમર્થન અને વિશ્વાસે મને દેશ માટે મારું શ્રેષ્ઠ આપવા માટે પ્રેરણા આપી છે.’
