04 August, 2026 05:16 PM IST | Mumbai | Gujarati Mid-day Correspondent
વેઇટલિફ્ટિંગના મેડલવિજેતાઓનું કૅશ પ્રાઇઝથી સન્માન કર્યું સ્પોર્ટ્સ મિનિસ્ટર મનસુખ માંડવિયાએ
કેન્દ્રીય સ્પોર્ટ્સ મિનિસ્ટર મનસુખ માંડવિયાએ ગઈ કાલે ભારત પાછા આવેલા કૉમનવેલ્થ ગેમ્સના વેટલિફ્ટિંગ મેડલવિજેતાઓનું કૅશ પ્રાઇઝથી સન્માન કર્યું હતું. ગોલ્ડ મેડલ જીતનાર ખેલાડીઓને રમતગમત મંત્રાલય તરફથી ૩૦ લાખ રૂપિયા, સિલ્વર મેડલવિજેતાઓને ૨૦ લાખ રૂપિયા અને બ્રૉન્ઝ મેડલવિજેતાઓને ૧૦ લાખ રૂપિયાનો ચેક આપવામાં આવ્યો હતો.
ભારતીય વેઇટલિફ્ટિંગ ટીમમાંથી માત્ર મીરાબાઈ ચાનુએ એક ગોલ્ડ મેડલ જીત્યો હતો. વેઇટલિફ્ટિંગમાં ભારતને ૬ સિલ્વર અને એક બ્રૉન્ઝ મેડલ પણ મળ્યો હતો. તમામ ખેલાડીઓએ એશિયન ગેમ્સમાં પણ મેડલ જીતવાની આશા વ્યક્ત કરી હતી.
