22 May, 2020 08:52 PM IST | Mumbai | Gujarati Mid-day Correspondent
લંડન ઑલિમ્પિક્સમાં બ્રૉન્ઝ મેડલ જીતનાર એમ. સી. મૅરી કૉમનું કહેવું છે કે ટોક્યો ઑલમ્પિકમાં વિવિધ કલરના મેડલ જીતવાનું મારં મૂળ લક્ષ્ય છે. આવતા વર્ષે યાજાનારા ટોક્યો ઑલમ્પિક્સ માટે મૅરી કૉમે ક્વૉલિફાય કરી લીધું છે. તાજેતરમાં મૅરી કૉમે કહ્યું કે ‘હું જ્યારે પણ રિંગમાં હોઉં ત્યારે મગજમાં એક અલગ જ ધારણા હોય છે. પોતાની જાતને વધારે સારી કઈ રીતે બનાવવી, પોતાની વિકનેસ અને ફિટનેસ પર કેવી રીતે કામ કરવું એ વિચારમાં હું કેટલીક રાત સૂઈ પણ નથી શકતી. હું આજે પણ મારી સ્ટ્રેન્થ સ્ટૅમિના અને સ્પીડ પર કામ કરું છું. મારું લક્ષ્ય આ વર્ષે ઑલિમ્પિક્સમાં અલગ-અલગ કલરના મેડલ જીતવાનું છે.’