બાર્સેલોના વતી લા લીગામાં ૫૦૦ મૅચ રમીને મેસીએ ઇતિહાસ રચ્યો

બાર્સેલોના વતી લા લીગામાં ૫૦૦ મૅચ રમીને મેસીએ ઇતિહાસ રચ્યો

લિઓન મેસી

આર્જેન્ટિનાના લિઓન મેસીએ તેના નામે વધુ એક કીર્તિમાન નોંધાવી દીધું છે. રવિવારે મેસી લી લીગામાં બાર્સેલોના વતી ૫૦૦મી મૅચ રમ્યો હતો. આવી કમાલ કરનાર તે સ્પેન બહારનો એટલે કે પહેલો વિદેશી ખેલાડી બન્યો હતો. ઓવરઑલ બાર્સેલોના વતી મેસીની આ ૭૫૦મી મૅચ હતી. બાર્સેલોના વતી સૌથી વધુ મૅચ રમવાનો રેકૉર્ડ સ્પેનના ઝાવીના નામે ૭૬૭ મૅચનો છે. આમ મેસી હવે આ રેકૉર્ડથી ૧૭ મૅચ દૂર છે. બીજી તરફ સ્પેનની ફુટબૉલ લીગ લા લીગામાં સૌથી વધુ મૅચ રમવાનો રેકૉર્ડ ગોલકીપર ઍન્ડની ઝુબિઝેરેટાના નામે છે. તે ઍથ્લેટિક ક્લબ બાર્સેલોના અને વેલેન્સિયા વતી કુલ ૬૬૨ મૅચ રમ્યો છે.