લબ્રોન જેમ્સનો ૭.૭૩ અબજ રૂપિયાનો સૌથી મોટો સોદો

૩૭ વર્ષના લબ્રોનને એક સીઝન રમવાના સાડાત્રણ અબજ કરતાં પણ વધુ રૂપિયા મળશે

લબ્રોન જેમ્સ

બાસ્કેટબૉલના વિશ્વવિખ્યાત ખેલાડી અમેરિકાના લબ્રોન જેમ્સે લૉસ ઍન્જલસ લેકર્સ ટીમ સાથે બે વર્ષ માટે ૯૭૧ લાખ ડૉલર (અંદાજે ૭.૭૩ અબજ રૂપિયા)નો નવો કૉન્ટ્રૅક્ટ કર્યો છે. ભારતીય રૂપિયાની ગણતરીએ જોઈએ તો ૩૭ વર્ષના લબ્રોનને એક સીઝન રમવાના સાડાત્રણ અબજ કરતાં પણ વધુ રૂપિયા મળશે. આ કરાર કરીને બાસ્કેટબૉલની રમતનો તે હાઇએસ્ટ-પેઇડ ખેલાડી બન્યો છે. આ કરાર ૨૦૨૪ અને ૨૦૨૫ની સીઝન માટેનો છે.