ગર્લફ્રેન્ડ પત્રકાર છે એટલે હેડ-કોચને પાણીચું અપાયું?

બાયર્નના ખેલાડીઓને ચિંતા એ વાતની છે કે પોતાની અંદરની વાતો મીડિયામાં લીક થઈ રહી હોવાથી તેમના પ્લાનિંગને ખરાબ અસર થઈ રહી છે.

ગર્લફ્રેન્ડ પત્રકાર છે એટલે હેડ-કોચને પાણીચું અપાયું?

જર્મનીની બાયર્ન મ્યુનિક ફુટબૉલ ક્લબે ૨૦૨૧ની સાલમાં લિપ્ઝિગ ક્લબના કૉન્ટ્રૅક્ટમાંથી જેને બહાર લાવવા ૨૨ મિલ્યન પાઉન્ડ (૧૯૫ કરોડ રૂપિયા) ચૂકવ્યા હતા તેને હવે પોતાની ટીમના હેડ-કોચના હોદ્દા પરથી કાઢી મૂક્યો એ ઘટનાએ સૌકોઈને ચોંકાવી દીધા છે. આ વાત જુલિયન નૅગલ્સમૅનની છે. બાયર્નના ખેલાડીઓને ચિંતા એ વાતની છે કે પોતાની અંદરની વાતો મીડિયામાં લીક થઈ રહી હોવાથી તેમના પ્લાનિંગને ખરાબ અસર થઈ રહી છે.

બાયર્નના ભૂતપૂર્વ ફુટબોલર માર્કસ બૅબલનું કહેવું છે કે હેડ-કોચ જુલિયનની ગર્લફ્રેન્ડ લેના વુર્ઝનબર્જર પત્રકાર છે અને ડ્રેસિંગ રૂમમાં (જુલિયનની હાજરીમાં) જે પણ બને છે એ જાહેરમાં આવી રહ્યું છે અને ભવિષ્યમાં પણ આવતું રહેશે અને એ જોતાં બાયર્નના પ્લેયર્સને લેના સામે વાંધો છે. થોડા સમય પહેલાં લેનાની જુલિયન સાથે રિલેશનશિપ શરૂ થઈ એટલે લેનાને બાયર્ન મ્યુનિકને પત્રકાર તરીકે કવર કરવાના જૉબમાંથી દૂર કરી હતી.