હૉકી વર્લ્ડ કપમાં પાકિસ્તાનને ૫-૩થી હરાવીને ભારત બીજા રાઉન્ડમાં

૮ વર્ષ બાદ કટ્ટર હરીફો વચ્ચેની વર્લ્ડ કપ ટક્કરમાં ૦-૩થી પાછળ પડ્યા બાદ પાકિસ્તાને બે મિનિટમાં બે ગોલ કરીને કમબૅક કરવાનો પ્રયાસ કર્યો હતો, પણ ભારતે પ્રેક્ષકોથી ખીચોખીચ ભરેલા સ્ટેડિયમમાં વધુ બે ગૉલ ફટકારીને જીત નિશ્ચિત કરી નાખી હતી. ‍

મહિલાઓના મુકાબલાઓમાં ભારતીય ટીમ આજે (સાંજે ૬.૩૦ વાગ્યે) ઇંગ્લૅન્ડ સામે ટકરાશે.

નેધરલૅન્ડ્સ અને બેલ્જિયમના સંયુક્ત યજમાનપદે યોજાઈ રહેલા હૉકી વર્લ્ડ કપમાં ભારતે ગઈ કાલે કટ્ટર હરીફ પાકિસ્તાન સામે આ ટુર્નામેન્ટમાં દબદબો જાણવી રાખીને એને ૫-૩થી હરાવી દીધું હતું. ૮ વર્ષ બાદ કટ્ટર હરીફો વચ્ચેની વર્લ્ડ કપ ટક્કરમાં ૦-૩થી પાછળ પડ્યા બાદ પાકિસ્તાને બે મિનિટમાં બે ગોલ કરીને કમબૅક કરવાનો પ્રયાસ કર્યો હતો, પણ ભારતે પ્રેક્ષકોથી ખીચોખીચ ભરેલા સ્ટેડિયમમાં વધુ બે ગૉલ ફટકારીને જીત નિશ્ચિત કરી નાખી હતી. ‍આ જીત સાથે ગ્રુપ-ટૉપર ઇંગ્લૅન્ડ સાથે ભારત પણ બીજા રાઉન્ડમાં પહોંચી ગયું છે.