યુથ વર્લ્ડ બૉક્સિંગની ક્વૉર્ટર ફાઇનલમાં પાંચ ભારતીયોની એન્ટ્રી

પોલૅન્ડમાં ચાલી રહેલી પુરુષ અને મહિલા યુથ વર્લ્ડ બૉક્સિંગની ક્વૉર્ટર ફાઇનલમાં ભારતના પાંચ બૉક્સરોએ પ્રવેશ કર્યો છે.

પ્રતીકાત્મક તસવીર

પોલૅન્ડમાં ચાલી રહેલી પુરુષ અને મહિલા યુથ વર્લ્ડ બૉક્સિંગની ક્વૉર્ટર ફાઇનલમાં ભારતના પાંચ બૉક્સરોએ પ્રવેશ કર્યો છે. મહિલાઓમાં ગિતિકાએ ૪૮ કિલોગ્રામ કૅટેગરીમાં અંતિમ આઠમાં જગ્યા બનાવી હતી, જ્યારે પુરુષ વર્ગમાં અંકિત નરવાલે ૬૪ કિલોગ્રામ, બિશ્વમિત્ર ચોંગથામે ૪૯ કિલોગ્રામ, સચિને ૫૬ કિલોગ્રામ અને વિશાલ ગુપ્તાએ ૯૧ કિલોગ્રામ કૅટેગરીમાં દેશ માટે મેડલ કન્ફર્મ કરવાથી એક પગલું દૂર છે. 

સામા પક્ષે નિશા ગુર્જર ૬૪ કિલોગ્રામ કૅટેગરીમાં લાટ્વિયાની બિટ્રાઇસ રોજેન્ટલ સામે ૧-૪થી હારી ગઈ હતી. ભારતે આ ટુર્નામેન્ટમાં ૧૦ મહિલા અને ૧૦ પુરુષ મળી કુલ ૨૦ ખેલાડીઓની ટીમ મોકલી હતી.