ઇંગ્લૅન્ડની ટૂર માટે વેસ્ટ ઇન્ડીઝના ત્રણ ખેલાડીઓએ ના પાડી

ઇંગ્લૅન્ડની ટૂર માટે વેસ્ટ ઇન્ડીઝના ત્રણ ખેલાડીઓએ ના પાડી

ડૅરેન બ્રાવે

ઇંગ્લૅન્ડની ટૂર માટે વેસ્ટ ઇન્ડીઝના ત્રણ પ્લેયરે ના પાડી છે. વેસ્ટ ઇન્ડીઝ ત્રણ ટેસ્ટ મૅચની સિરીઝ માટે ઇંગ્લૅન્ડ જવાની છે. કોરોના વાઇરસને કારણે માર્ચથી દુનિયાભરમાં કોઈ ઇવેન્ટ નથી રમવામાં આવી. આવતા મહિને થનારી આ સિરીઝ માટે વેસ્ટ ઇન્ડીઝના કેટલાક પ્લેયર ટ્રાવેલ કરવા તૈયાર નથી એવી ચર્ચા ચાલી રહી છે. આઠ જુલાઈ, ૧૬ જુલાઈ અને ૨૪ જુલાઈ એમ ત્રણ મૅચ ફિક્સ કરવામાં આવી છે. આ વિશે ઇંગ્લૅન્ડના ક્રિકેટ બોર્ડે સ્ટેટમેન્ટમાં કહ્યું હતું કે ‘ઇન્ટરનૅશનલ ક્રિકેટ ફરી શરૂ થયું તો ધ ઇંગ્લૅન્ડ ઍન્ડ વેલ્સ ક્રિકેટ બોર્ડ આજે જાહેર કરે છે કે તેઓ દર્શકો વગર આ મૅચ રમાડશે. નવ જૂને વેસ્ટ ઇન્ડીઝની ટીમ ઇંગ્લૅન્ડ આવશે અને તેઓ એમિરેટ્સ ઓલ્ડ ટ્રેફોર્ડમાં રોકાશે જ્યાં તેઓ ત્રણ અઠવાડિયાં સુધી ક્વૉરન્ટીન થવાની સાથે ટ્રેઇનિંગ પણ કરશે.’

આ સ્ટેટમેન્ટ બાદ ત્રણ વેસ્ટ ઇન્ડીઝના પ્લેયરે ઇંગ્લૅન્ડમાં કોરોના વાઇરસને કારણે ટ્રાવેલ કરવાની ના પાડી છે.

ઇંગ્લૅન્ડ ટૂર માટેની વેસ્ટ ઇન્ડીઝની ટીમ

જેસન હોલ્ડર (કૅપ્ટન), જર્મેઇન બ્લૅકવૂડ, ન્ક્રુમાહ બોનર, ક્રેગ બ્રેઇથવેટ, શામરહ બ્રૂક્સ, જોન કેમ્પબેલ, રોસ્ટન ચેઝ, રહકીમ કોર્નવોલ, શેન ડોરીચ, ચેમર હોલ્ડર, શાઈ હોપ, અલ્ઝારી જોશેફ, રેયમોન રેફર, કેમાર રોચ.