બોલ્ટે કૅચ છોડ્યો એ મારી પત્ની માટે પર્ફેક્ટ ગિફ્ટ : સૂર્યકુમાર

જયપુરમાં બુધવારે ૧૬૫ રનનો લક્ષ્યાંક મેળવવાના પ્રયાસમાં ભારતીય ટીમનો સ્કોર બે વિકેટે ૧૩૬ રન હતો.

સુર્યકુમાર

જયપુરમાં બુધવારે ૧૬૫ રનનો લક્ષ્યાંક મેળવવાના પ્રયાસમાં ભારતીય ટીમનો સ્કોર બે વિકેટે ૧૩૬ રન હતો અને મૅચવિનર સૂર્યકુમાર યાદવ ૫૭ રન પર હતો ત્યારે કૅપ્ટન ટિમ સાઉધીના બૉલમાં ફાઇન લેગ પર ટ્રેન્ટ બોલ્ટથી ખોટા જજમેન્ટને કારણે સૂર્યકુમારનો આસાન કૅચ છૂટી ગયો હતો અને એ બૉલ બાઉન્ડરીલાઇનની બહાર જતો રહ્યો હતો. જોકે પછીની ઓવરમાં જ બોલ્ટે સૂર્યકુમારને આઉટ કર્યો હતો, પરંતુ ત્યાં સુધીમાં ભારતની જીત નિશ્ચિત થઈ ચૂકી હતી. એ દિવસે વિજય મેળવ્યા પછી મૅન ઑફ ધ મૅચ સૂર્યકુમારને પોતાને મળેલા જીવતદાન વિશે પૂછવામાં આવ્યું ત્યારે તેણે મજાકમાં કહ્યું, ‘મારો બોલ્ટનો આભાર માનવો જોઈએ, કારણ કે આજે મારી વાઇફનો બર્થ-ડે છે અને તેને માટે એ કૅચ ડ્રૉપ થવો પર્ફેક્ટ ગિફ્ટ કહેવાય.’