12 August, 2012 09:49 AM IST |
લંડન ઓલિમ્પિક્સમાં ભારતની ગોલ્ડ મેડલ જીતવાની અંતિમ આશા અધૂરી રહી ગઈ. સ્ટાર કુશ્તીબાજ સુશીલ કુમાર ફાઈનલ મેચ હારી જતા તેને સિલ્વર મેડલથી સંતોષ માનવો પડ્યો. આમ સુશીલકુમારે પોતાની આ જીત સાથે ભારત માટે વધુ એક સિલ્વર મેડલ પાક્કો કરી લીધો છે. સુશીલકુમારે ગઈ ઓલિમ્પિક્સમાં કાંસ્ય પદક જીત્યો હતો જ્યારે આ વખતે સિલ્વર મેડલ જીતીને ઇતિહાસ રચી દીધો છે.
સુશીલકુમારે ઓલિમ્પિક્સમાં કુશ્તીબાજીમાં ફાઈનલ સુધી પહોંચવામાં સૌપ્રથમ ખેલાડી બનીને ઈતિહાસ રચી દીધો છે. સુશીલકુમારે છેલ્લા રાઉન્ડમાં કઝાકિસ્તાનના ખેલાડી પર હાવી થઈને તેને રીતસર ઊંચો કરીને પછાડી દીધો હતો જેમાં તે ખેલાડીના કાનમાંથી લોહી નીકળવા માંડ્યું હતું. છેલ્લા રાઉન્ડમાં 6-3થી સુશીલકુમારે જીત મેળવી હતી.