સ્ટીવ સ્મિથને સારી રીતે ઊંઘ આવે એના પર તે ફોકસ કરી રહ્યો છે : ટિમ પેઇન

સ્ટીવ સ્મિથને સારી રીતે ઊંઘ આવે એના પર તે ફોકસ કરી રહ્યો છે : ટિમ પેઇન

ટિમ પેન અને સ્ટિવ સ્મીથ

(આઇ.એ.એન.એસ.) ઑસ્ટ્રેલિયન ક્રિકેટ ટીમના કૅપ્ટન ટિમ પેઇનનું કહેવું છે કે સ્ટીવ સ્મિથ તેની હેલ્થ પર વધુ ફોક્સ કરી રહ્યો છે. ‘સૅન્ડપૅપર ગેટ’માં સ્મિથને બૅન કરવામાં આવ્યો હતો. બૅન બાદ તેણે જોરદાર કમબૅક કર્યું છે અને ત્યાર બાદ તે સતત ચર્ચામાં રહે છે. તેણે એ પણ કહ્યું હતું કે આ ઘટના બાદ તેને ઊંઘવામાં તકલીફ પડી રહી હતી અને તે સતત ક્યારે ક્રીઝ પર જાય એ વિશે વિચારતો હતો.


આ વિશે ટિમ પેઇનીએ કહ્યું હતું કે ‘મને ખબર છે કે ક્રિકેટ ઑસ્ટ્રેલિયા (બોર્ડ) અને અન્ય લોકોની મદદથી તે પોતાને સારી રીતે ઊંઘ આવે એના પર ફોકસ કરી રહ્યો છે. તે પોતાનામાં સુધારો લાવવા માટે ખૂબ મહેનત કરી રહ્યો છે અને બે મૅચ વચ્ચે રિલૅક્સ થવાની પણ કોશિશ કરે છે. મને નથી લાગતું કે સ્ટીવ જે રીતે પોતાને ફિક્સ કરી રહ્યો છે એટલી સારી રીતે કોઈ આ પરિસ્થિતિને હૅન્ડલ ન કરી શકે.’