20 May, 2020 08:51 AM IST | Mumbai | Agencies
રોહિત શર્મા
તાજેતરમાં રોહિત શર્મા અને રવિચંદ્રન અશ્વિને ઇન્સ્ટાગ્રામ પર કેટલીક રસપ્રદ વાતો કરી હતી. એ દરમ્યાન રોહિતે ૨૦૧૩ની આઇપીએલમાં રિકી પૉન્ટિંગ સાથે વિતાવેલા સમયને યાદ કર્યો હતો. રોહિતે કહ્યું કે ‘૨૦૧૩માં રિકી પૉન્ટિંગ મુંબઈની ટીમને મળ્યો હતો. ૨૦૧૨માં સચિન તેન્ડુલકરે કહી દીધું હતું કે હું હવે ટીમને લીડ નહીં કરું અને હરભજન સિંહને કૅપ્ટન્સી સોંપવામાં આવે, પણ ૨૦૧૩માં તેને કૅપ્ટન ન બનાવાયો એટલે મને એમ લાગ્યું કે મને કૅપ્ટન બનાવશે, પણ પૉન્ટિંગ આવવાથી તેને એ પદ સોંપવામાં આવ્યું. તે બધાને સમજવા માગતો હતો. પહેલા સેશનમાં તે ટીમ બૉન્ડિંગ ઇચ્છતો હતો. જોકે તેની એ સ્ટાઇલથી ટીમમાં પૉઝિટિવિટી આવી, પણ અચાનક તેણે સીઝનની વચમાં જ કૅપ્ટન્સી છોડી દીધી અને મને એ જવાબદારી સોંપી દેવાઈ. વાસ્તવમાં તે પ્લેયર-કમ-કોચની ભૂમિકા બજાવી રહ્યો હતો. ૨૦૧૩માં તે દરકે પ્લેયરને મદદ કરવા અવેલેબલ હતો.’