30 August, 2019 10:30 AM IST | નવી દિલ્હી
રાહુલ દ્રવિડ
રાહુલ દ્રવિડ હવે ઇન્ડિયા ‘એ’ અને U19ને કોચ નહીં કરે. નૅશનલ ક્રિકેટ ઍકૅડેમી દ્વારા તેને હેડ કોચ તરીકે પસંદ કરવામાં આવ્યો હતો. દ્રવિડ ૨૦૧૫થી આ બે ટીમને હેડ કોચ તરીકે સેવા આપી રહ્યો હતો. દ્રવિડને હાલમાં નૅશનલ ક્રિકેટ ઍકૅડેમીમાં ક્રિકેટ ઑપરેશન્સનો હેડ બનાવવામાં આવ્યો છે. તે ટીમ સાથે વધુ સમય ન આપી શકતાં તેની જગ્યાએ ઇન્ડિયા ‘એ’ના કોચ તરીકે સૌરાષ્ટ્રના ભૂતપૂર્વ કૅપ્ટન સિતાંશુ કોટક અને U19 માટે ભૂતપૂર્વ ફાસ્ટ બોલર પારસ મ્હામ્બ્રેને હેડ કોચ બનાવવામાં આવ્યા છે. જરૂર પડ્યે દ્રવિડ બન્ને ટીમ માટે જરૂરી સેવા પૂરી પાડશે.